گلوکاروں و موسیقاروں کے لیے ریکارڈ لیبل کی اہمیت چھت جیسی ہے، حدیقہ کیانی

ہفتہ 30 نومبر 2019 21:11

گلوکاروں و موسیقاروں کے لیے ریکارڈ لیبل کی اہمیت چھت جیسی ہے، حدیقہ کیانی
اسلام آباد(اُردو پوائنٹ اخبارتازہ ترین - آن لائن۔ 30 نومبر2019ء) پاکستانی گلوکارہ حدیقہ کیانی نے کہا کہ گلوکاروں اور موسیقاروں کے لیے ریکارڈ لیبل کی اہمیت چھت جیسی ہے جس کا سب سے بڑا فائدہ اس سے ملنے والی معاشی سپورٹ ہے۔ یہ بات انھوں نے ایک انٹرویو کے دوران کہی۔

(جاری ہے)

انھوں نے کہا کہ پاکستان میں نوجوان گلوکاروں کو سامنے آنے کے مواقع کم ہی ملتے ہیں اور المیہ یہ ہے کہ یہاں ریکارڈ لیبلز کا تصور ہی نہیں،ہمارے پاس نیا کام کرنے کے انتہائی محدود مواقع ہیں اور ایسا ہی ایک پلیٹ فارم کوک سٹوڈیو ہے، میری خواہش ہے کہ کوک سٹوڈیو جیسے دس اور پلیٹ فارم ہوں جن میں نیا اور پرانا ٹیلنٹ آئے اور سب مل کر کام کریں۔

ان کا کہنا تھا کہ ہمارے یہاں ریکارڈ لیبل اور موسیقی کے جملہ حقوق محفوظ ہونے چاہئیں اور ایک ایسی کمپنی ہونی چاہیے جو ہمارے موسیقی سے متعلق حقوق کا تحفظ پاکستان اور بیرونی ممالک میں بھی کرے۔
وقت اشاعت : 30/11/2019 - 21:11:44

مزید متعلقہ خبریں پڑھئیے‎ :