Paya Kunna - Article No. 6654

گوشت کے بڑے ٹکڑے کرکے دھو کر رکھ لیں۔پائے اچھی طرح صاف کرکے دھو لیں۔
چھ سے آٹھ پیالی ابلتے ہوئے پانی میں پائے ڈال کر تیز آنچ پر پکائیں،ابال آنے پر اوپر آنے والا جھاگ نکال لیں۔پھر آنچ ہلکی کرکے ایک سے دو موٹی کٹی ہوئی پیاز اور آٹھ سے دس کالی مرچیں ڈال کر ہلکی آنچ پر ایک ڈیڑھ گھنٹہ پکا لیں۔
پین میں کوکنگ آئل کو درمیانی آنچ پر تین سے چار منٹ گرم کریں اور ثابت گرم مصالحہ ڈال کر کڑکڑالیں۔
باریک کٹی ہوئی پیاز کو سنہرا فرائی کرلیں،ادرک لہسن ڈال کر ایک سے دو منٹ کے لئے فرائی کریں پھر گوشت ڈال کر اتنی دیر بھونیں کہ تیل علیحدہ ہو جائے۔
دہی میں نمک،لال مرچ،ہلدی،بڑی الائچی اور سیاہ زیرہ ڈال کر ملائیں اور اس مکسچر کو گوشت میں ڈال دیں۔
آٹے کو توے پر ہلکا سا بھونیں پھر ایک پیالی پانی میں گھول کر گاڑھا سا پیسٹ بنا لیں،دہی کا مکسچر ڈالنے کے بعد گوشت میں یہ پیسٹ ڈال کر اچھی طرح ملا لیں۔
پائے شامل کرکے اس کی یخنی چھان کر ڈال دیں،ہلکی آنچ پر ڈھک کر اتنی دیر پکائیں کہ گوشت اچھی طرح گل جائے۔