میرپورخاص، عوامی مقامات پر تمباکو نوشی پر عائد پابندی پر عملدرآمد کیلئے ڈسٹرکٹ امپلیمینٹیشن اینڈ مانیٹرنگ کمیٹی تشکیل

ہفتہ 15 فروری 2020 17:57

میرپورخاص ۔ (اُردو پوائنٹ اخبارتازہ ترین - اے پی پی۔ 15 فروری2020ء) ڈپٹی کمشنر میرپورخاص زاہد حسین میمن نے عوامی مقامات پر تمباکو نوشی پر عائد پابندی کے آرڈیننس 2002پر عمل درآمد کرانے کیلئے ایڈیشنل ڈپٹی کمشنر Iمیرپورخاص کی سربراہی میں ڈسٹرکٹ امپلیمینٹیشن اینڈ مانیٹرنگ کمیٹی تشکیل دی ہے۔ کمیٹی کے ممبران میں متعلقہ اسسٹنٹ کمشنرز، ڈائریکٹر کالجز، ڈائریکٹر انفارمیشن،ڈائریکٹر پرائیویٹ انسٹی ٹیوشنز،مس نصرت پروین سہتو اسسٹنٹ ڈائریکٹر سندھ ڈائریکٹوریٹ آف (آئی اینڈآر)پرائیویٹ انسٹی ٹیوشنزکراچی،متعلقہ ایس ڈی پی او، ڈسٹرکٹ ہیلتھ آفیسر،ڈسٹرکٹ ایجوکیشن آفیسر پرائمری، سیکنڈری، ڈپٹی ڈائریکٹر سوشل ویلفیئر، سول سوسائٹی کے مس زاہدہ ڈیتھو اور تمباکو نوشی کنٹرول پر کام کرنے والی تنظیم کا نمائندہ شامل ہے۔

(جاری ہے)

مانیٹرنگ کمیٹی مذکورہ قانون پر عمل درآمد کرانے کیلئے تمام سرکاری دفاتر، ہسپتالوں، صحت مراکز، تعلیمی درسگاہوں، ٹرانسپورٹ مقامات اورعوامی مقامات پر لوگوں کو ممنوعہ تمباکو نوشی سے محفوظ بنانے کیلئے ہرممکن اقدامات کرے گی۔ ڈپٹی کمشنر نے ضلع کے تمام افسران کو ہدایت کی ہے کہ مذکورہ قانون پر عمل درآمد کرایا جائے، دفاترکی حدود میں تمباکو نوشی کے نقصانات کے آگاہی بینرز آویزاں کئے جائیں،آگاہی مہم چلائی جائے اور خلاف ورزی کرنے پر کارروائی کرنے کے متعلق آگاہی فراہم کی جائے اور اپنے ماتحت عملے کو بھی قانون پر عمل درآمد کرنے کا پابند بنایا جائے۔