ٹرمپ کی انتخابی نتائج کیخلاف دائر اپیل مسترد کر دی گئی

امریکی ریاست پنسلوانیا سے ڈیموکریٹک امیدوار جوبائیڈن 81 ہزار ووٹوں کی برتری سے کامیاب ہوئے، رپورٹ

اتوار 29 نومبر 2020 15:40

ٹرمپ کی انتخابی نتائج کیخلاف دائر اپیل مسترد کر دی گئی

پنسوانیا (اُردو پوائنٹ اخبارتازہ ترین - این این آئی۔ 29 نومبر2020ء) امریکی ریاست پنسلوانیا کی عدالت کی جانب سے ڈونلڈ ٹرمپ کے حامیوں کی انتخابی نتائج کے خلاف دائر کی گئی اپیل مسترد کر دی گئی ہے۔غیر ملکی میڈیا کے مطابق امریکا کی ریاست پنسلوانیا کی عدالت نے انتخابی نتائج کے خلاف صدر ٹرمپ کے حامیوں کی اپیل مسترد کر دی ۔

(جاری ہے)

ری پبلکنز کی جانب سے دائر کیس میں پنسلوانیا کے میل ان بیلٹس کالعدم قرار دینے کی درخواست کی گئی تھی۔

ری پبلکنز کی اپیل کو وفاقی اپیلز کورٹ کے جج نے مسترد کر دیا ہے۔واضح رہے کہ امریکی ریاست پنسلوانیا سے ڈیموکریٹک امیدوار جوبائیڈن 81 ہزار ووٹوں کی برتری سے کامیاب ہوئے ہیں۔جو بائیڈن صدر بننے کیلئے درکار 270 ووٹوں کا ہندسہ عبور کر کے 306 الیکٹورل ووٹ بھی حاصل کر چکے ہیں۔