انجلینا جولی کا اپنے قتل کیلئے شوٹر رکھنے کا انکشاف

قتل کی منصوبہ بندی کیلئے اداکارہ نے شوٹر کو ادائیگی تک کر دی تھی،اداکارہ کا ماننا تھا اگر وہ خود کشی کے بجائے قتل ہو ہوجائیں تو کوئی انہیں واقعے کا قصور وار نہیں سمجھے گا، ٹیم ممبر

بدھ 23 نومبر 2022 17:51

انجلینا جولی کا اپنے قتل کیلئے شوٹر رکھنے کا انکشاف

لاس اینجلس (اُردو پوائنٹ اخبارتازہ ترین - این این آئی۔ 23 نومبر2022ء) معروف امریکی اداکارہ انجلینا جولی سے متعلق انکشاف ہوا ہے کہ انہوں نے ایک بار خودکشی کے پچھتاوے سے بچنے اور خود کی جان لینے کیلئے باقاعدہ ایک کرائے کا قاتل رکھا تھا۔انجلینا جولی کے ایک ٹیم ممبر نے حال ہی میں ایک اخبارکو انٹرویو کے دوران بتایا ہے کہ انجلینا جولی نے خود کو مارنے کیلئے ایک کرائے کی قاتل کی خدمات حاصل کی تھیں۔

انجلینا جولی کے عملے کے مطابق اپنے قتل کی منصوبہ بندی کے لیے اداکارہ نے شوٹر کو ادائیگی تک کر دی تھی۔

(جاری ہے)

اداکارہ کے عملے کے مطابق وہ شوٹر کافی مہذب آدمی تھا، اس نے انجلینا سے اس منصوبہ بندی سے متعلق سوچنے کیلئے دو ماہ کا وقت لینے کا کہتے ہوئے دوبارہ سے کال کرنے کا کہا جبکہ انجلینا نے اس دورانئے میں بھی خود کے قتل کا ارادہ ترک نہیں کیا۔

اداکارہ کے عملے کے مطابق انجلینا کا کہنا تھا کہ اگر وہ خود کشی کرتی ہیں تو ان کے اردگرد کے لوگ ان کے اس عمل کو اپنا قصور سمجھیں گے کہ شائد وہ مجھے اس عمل سے روک سکتے۔انجلینا جولی کاماننا تھا کہ اگر وہ خود کشی کے بجائے قتل ہو جاتی ہیں تو ان کے قتل ہونے کی کوئی بھی قبول نہیں کرے گا یا کوئی بھی خود کو اس واقعے کا قصور وار نہیں سمجھے گا۔