ڈاکٹرآصف امریکی کمیشن برائے مذہبی آزادی کے رکن مقرر

ڈیموکریٹ ڈاکٹر آصف محمود کا تعلق کھاریاں سے ، کیلیفورنیا کے رہائشی ہیں،رپورٹ

ہفتہ 18 مئی 2024 12:44

واشنگٹن(اُردو پوائنٹ اخبارتازہ ترین - این این آئی۔ 18 مئی2024ء) پاکستانی امریکن ڈاکٹرآصف محمود امریکا کے عالمی کمیشن برائے مذہبی آزادی کے رکن مقرر ہوگئے۔

(جاری ہے)

غیرملکی خبررساں ادارے نے بتایاکہ کمیشن کی رپورٹ امریکی صدر، کانگریس اور محکمہ خارجہ کے لیے آنکھوں اور کانوں کا کام کرتی ہیں۔ ڈیموکریٹ ڈاکٹر آصف محمود کا تعلق کھاریاں سے ہے، وہ طویل عرصے سے کیلیفورنیا کے رہائشی ہیں۔ڈاکٹر آصف امریکا کی نائب صدر کاملا ہیریس، ہیلری کلنٹن کے انتہائی قریب سمجھے جاتے ہیں۔واضح رہے کہ ڈاکٹر آصف محمود سے پہلے پاکستانی امریکن خضر خان بھی اس کمیشن کے رکن رہے ہیں۔