ٹی ٹونٹی ورلڈ کپ 2024ء: کامران اکمل نے پاک بھارت مقابلے کیلئے ہندوستان کو فیورٹ قرار دیدیا

پاکستان اپنا پہلا میچ میزبان ملک امریکہ کے خلاف 6 جون کو ٹیکساس میں کھیلے گا

ذیشان مہتاب بدھ 29 مئی 2024 15:46

ٹی ٹونٹی ورلڈ کپ 2024ء: کامران اکمل نے پاک بھارت مقابلے کیلئے ہندوستان ..

لاہور (اردو پوائنٹ تازہ ترین اخبار ۔ 29 مئی 2024ء ) سابق وکٹ کیپر بلے باز کامران اکمل نے 9 جون کو نیویارک میں ہونے والے آئی سی سی ٹی ٹونٹی ورلڈ کپ 2024ء کے میچ میں بھارت کو پاکستان کے خلاف جیت کا فیورٹ قرار دیا ہے۔ یہ میچ نئے تعمیر شدہ ناساو کاؤنٹی انٹرنیشنل کرکٹ اسٹیڈیم میں شیڈول ہے جو 30,000 سے زیادہ شائقین کی میزبانی کر سکتا ہے۔ اپنے انسٹاگرام ہینڈل پر مداحوں کے ساتھ سوال و جواب کے سیشن میں کامران اکمل سے سوال کیا گیا کہ وہ روایتی حریفوں کے درمیان ہائی وولٹیج کے تصادم کے فاتح کی پیشین گوئی کریں۔

42 سالہ کامران اکمل نے حیران کن جواب دیا ’’یقینی طور پر ہندوستان‘‘۔

واضح رہے کہ بھارت اور پاکستان ٹی ٹونٹی ورلڈ کپ میں سات مرتبہ آمنے سامنے ہو چکے ہیں جس میں بھارت نے پانچ میں کامیابی حاصل کی ہے جبکہ پاکستان نے صرف ایک میں کامیابی حاصل کی ہے۔

(جاری ہے)

بقیہ T20I کے نتیجے میں بھارت نے 2007ء کے ٹی ٹونٹی ورلڈ کپ میں باؤل آؤٹ کے ذریعے جیت حاصل کی تھی۔

T20 ورلڈ کپ میں پاکستان نے بھارت کے خلاف واحد ٹی ٹونٹی میچ 2021ء میں جیتا۔ ٹی 20 ورلڈ کپ 2024ء اتوار، یکم جون کو امریکہ اور ویسٹ انڈیز میں شروع ہونے والا ہے، ٹورنامنٹ کا افتتاحی میچ امریکہ اور کینیڈا کے درمیان ڈیلاس میں کھیلا جائے گا۔ پاکستان اپنا پہلا میچ میزبان ملک امریکہ کے خلاف 6 جون کو ٹیکساس میں کھیلے گا۔ ہندوستان ٹورنامنٹ کا اپنا پہلا میچ 5 جون کو نیویارک میں آئرلینڈ کے خلاف کھیلے گا۔