![UrduPoint](https://photo-cdn.urdupoint.com/daily/images/Logos/up-logo-mobile-ur.png)
رواں سال مناسک حج کے دوران 900 سے زائد افراد گرمی کی وجہ سے جاں بحق
شہری حجاج کرام کو درپیش مسائل کے بارے میں غیرمستند پوسٹس اور خبروں پر کان نہ دھریں.وزارت امورجج
میاں محمد ندیم
جمعرات 20 جون 2024
13:20
![رواں سال مناسک حج کے دوران 900 سے زائد افراد گرمی کی وجہ سے جاں بحق](https://photo-cdn.urdupoint.com/show_img_new/daily/todayNewsLive/2022/800x400/pic_2999c_1656957224.jpg._2)
(جاری ہے)
عرب نشریاتی ادارے کے حوالے سے بتایا گیا ہے کہ جاں بحق ہونے والوں میں 600 مصری، 144 انڈونیشیائی، 68 ہندوستانی، 60 اردنی، 35 پاکستانی، 35 تیونسی، 11 ایرانی اور تین سینیگالی شامل ہیں سعودی سرکاری ٹی وی نے کہا کہ مکہ مکرمہ میں درجہ حرارت دوروزقبل 51اعشاریہ8 ڈگری سینٹی گریڈ تک پہنچ گیا تھا سعودی عرب نے سرکاری طور پر جاں بحق ہونے والوں کے بارے میں معلومات فراہم نہیں کی ہیں، حالانکہ حکام نے اتوار کے روز گرمی سے متاثر ہونے کے 2 ہزار 700 سے زیادہ واقعات رپورٹ کیے تھے پاکستان کے حج مشن کے ڈائریکٹر جنرل عبدالوہاب سومرو نے بتایا کہ 18 جون کی شام 4 بجے تک کل 35 پاکستانیوں کے جان بحق ہونے کی اطلاع ملی ہے، مکہ میں 20، مدینہ میں 6، منیٰ میں 4، عرفات میں 3 اور مزدلفہ میں 2 پاکستانی جاں بحق ہوئے ہیں.
اسلام آباد سے جاری ہونے والے ایک بیان میں،عبدالوہاب سومرو نے سوشل میڈیا پر گردش کرنے والی ایک ویڈیو کلپ کا حوالہ دیا جس میں فٹ پاتھوں پر لاشیں پڑی دکھائی دے رہی تھیں اور لوگ حکام سے اپیل کر رہے تھے کہ میتوں کو قریب میں کھڑی ایمبولینسوں میں ڈالیں. انہوں نے کہا کہ ہمارے علم میں آیا ہے کہ سوشل میڈیا ویب سائٹس پر کچھ ویڈیوز گردش کر رہی ہیں جن میں حاجیوں کو دکھایا گیا ہے اور کوئی ان کی مدد کے لیے نہیں آ رہا ہے، یہ ویڈیوز بے بنیاد ہیں کیونکہ ان کی صداقت کی تصدیق نہیں ہو سکی اور ان کی تاریخ یا سال کا تعین نہیں کیا جا سکا انہوں نے نشاندہی کی کہ تصدیق شدہ معلومات سعودی حکومت سے آنی ہوتی ہیں، جس کی تصدیق بعد میں مشن کرتی ہے. انہوں نے عوام سے کہا کہ وہ درست معلومات کے لیے معتبر ذرائع پر بھروسہ کریں، انہوں نے مزید بتایاکہ مشن کو جاں بحق ہونے والوں کی اطلاعات موصول ہوئیں اور کوئی بھی کارروائی کرنے سے پہلے مشن نے ان کی تصدیق کی ہے وزارت نے کہا کہ اس سال شدید گرمی اور سخت موسمی حالات کی وجہ سے حج چیلنجنگ تھا، درجہ حرارت 50 ڈگری سینٹی گریڈ سے اوپر چلاگیا انہوں نے کہا کہ سعودی حکومت نے حرمین شریفین میں تدفین کا نظام قائم کیا ہے اور اگر ورثا کا مطالبہ ہے تو کسی بھی پاکستانی حاجی کی میت وطن واپس بھیجنے کا بھی انتظام کیا گیا ہے. واضح رہے کہ اس طرح کی رپورٹس اور حجاج کرام کو شدید مشکلات کا سامنا کرنے کی ویڈیو کلپس 16 جون کو منظر عام پر آنا شروع ہوئیں تھیں، کئی حاجیوں نے یہاں تک دعوی کیا کہ انہیں وادی مزدلفہ میں بند کر دیا گیا تھا مقامی حکام نے تمام پہاڑوں کو گھیرے میں لے لیا تھا اور وہاں سے لوگوں کو جانے کی اجازت نہیں دی تھی بہت سے لوگوں نے پوسٹ کیا کہ ٹرین کے ٹکٹ جاری ہو چکے ہیں لیکن انہیں تقریباً چار گھنٹے کی تاخیر کا سامنا کرنا پڑ رہا ہے اور پانی کے پنکھے نہ ہونے کے باعث بہت سے زائرین شدید گرمی اور دم گھٹنے کی وجہ سے بے ہوش ہو گئے.مزید اہم خبریں
-
مخصوص نشستوں کا کیس،اٹارنی جنرل کی سنی اتحاد کونسل کی اپیلیں مسترد کرنے کی استدعا
-
امریکہ نے مذہبی آزادی پر اپنی رپورٹ میں بھارت کی سرزنش کی
-
جرمن حکومت دہشت گردی کے حامیوں کی ملک بدری قانون پر متفق
-
معیشت اہم دوراہے پر کھڑی ہے،ہمارے فیصلوں کے دور رس نتائج مرتب ہوں گے،یوسف رضاگیلانی
-
پاکستان میں اظہار رائے کی آزادی، پرامن اجتماع کے حقوق کا احترام کیا جائے،میتھیوملر
-
اصل مذاکرات فوج کیساتھ کئے جائیں اور درمیانی راستہ نکالاجائے،شیخ رشید
-
بولیویا میں بغاوت کی کوشش ناکام ہوگئی، اعلی ترین جنرل گرفتار
-
سلامتی کونسل نے سنی کانگو کے کم عمر جنگجو کی دردناک داستان
-
سلامتی کونسل ارکان کی داغستان میں دہشتگردی کی مذمت
-
دنیا کی تقریباً ایک تہائی آبادی جسمانی سرگرمیوں سے دور، ڈبلیو ایچ او
-
غزہ کو کبھی نظر انداز نہیں کیا جائے گا، مارٹن گرفتھس
-
یہ بات نہیں ہونی چاہیئے کہ عمران خان آج رہا ہوں گے تو کل پکڑ لیں گے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.