خاورمانیکا تشدد کیس، پی ٹی آئی وکیل فتح اللہ برکی کی درخواست ضمانت خارج

پیر 24 جون 2024 15:06

اسلام آباد (اُردو پوائنٹ اخبارتازہ ترین - این این آئی۔ 24 جون2024ء) اسلام آباد کی انسداد دہشتگری عدالت نے سابق خاتون اول بشری بی بی کے سابق خاوند خاور مانیکا تشدد کیس میں پاکستان تحریک انصاف کے وکیل فتح اللہ برکی کی درخواست ضمانت خارج کردی۔پیر کو عدالت نے دیگر پی ٹی آئی وکلا کی ضمانت کنفرم کردی، ضمانت کی درخواستوں پر سماعت انسداد دہشتگردی عدالت کے جج طاہر عباس سپرا نے کی۔

(جاری ہے)

درخواست گزاران کی جانب سے ریاست حسین آزاد ایڈووکیٹ، سردار مصروف ایڈووکیٹ اور دیگر وکلا عدالت میں پیش ہوئے م مقدمے میں نامزد ملزم عثمان ریاض گل اور دیگر بھی عدالت میں پیش ہوئے۔واضح رہے کہ پی ٹی آئی وکلا عثمان ریاض گل،فتح اللہ برکی، زاہد بشیر ڈار نے درخواست ضمانت دائر کی تھیں تاہم ملزمان میں مرزا عاصم بیگ، انصر محمود کیانی، سعید خان سدوزئی بھی شامل ہیں۔