نوازشریف سے ڈی جی والڈ سٹی لاہور کی ملاقات،قدیمی عمارتوں کی بحالی پر تبادلہ خیال

جمعرات 27 جون 2024 13:35

لاہور (اُردو پوائنٹ اخبارتازہ ترین - این این آئی۔ 27 جون2024ء) پاکستان مسلم لیگ (ن) کے صدر و سابق وزیر اعظم محمد نواز شریف سے والڈ سٹی لاہور کے ڈائریکٹر جنرل کامران لاشاری نے ملاقات کی ۔

(جاری ہے)

جاتی امرا رائیونڈ میں ہونے والی ملاقات میں اندرون لاہور کی قدیمی اور تاریخی عمارتوں کی بحالی کے امور پرتفصیلی تبادلہ خیال کیا گیا، میاں نواز شریف نے اندرون لاہور کی تاریخی حیثیت کی بحالی پر والڈ سٹی اتھارٹی کی خدمات اور پیشہ ورانہ مہارت کو سراہا۔

ڈی جی والڈ سٹی کامران لاشاری نے تاریخی عمارتوں کی بحالی کے جاری منصوبوں سے صدر (ن) لیگ کو آگاہ کیا، انہوں نے شاہی قلعہ اور لاہور کے قدیمی دروازوں کی بحالی کے بارے میں بھی بتایا۔ملاقات میں لاہور کی شاندار تاریخی عمارتوں کی بحالی کا عمل جاری رکھنے پر اتفاق ہوا۔وفاقی وزیر خواجہ آصف، خواجہ سعد رفیق، انوشہ رحمان، صوبائی معاون خصوصی راشد نصر اللہ، ذیشان اور دیگر بھی موجود تھے۔