کینیڈا میں انتخابات ،ایک امیدوارخود بھی ووٹ نہ ڈال سکا، نتیجہ صفرنکلا

ہفتہ 29 جون 2024 21:40

اوٹاوا (اُردو پوائنٹ اخبارتازہ ترین - آن لائن۔ 29 جون2024ء) کینیڈا سے تعلق رکھنے والے ایک شخص نے وفاقی انتخابات میں صفر ووٹ حاصل کر کے تاریخ رقم کی۔سی بی سی نیوز کے مطابق 45 سالہ فیلکس آنٹون ہیمل ٹورنٹو کے ضمنی انتخاب میں حصہ لینے والے 84 امیدواروں میں سے ایک تھے۔کینیڈا کی تاریخ میں وہ واحد وفاقی امیدوار ہیں جنہوں نے الیکشن میں کوئی ووٹ حاصل نہیں کیا۔

سی بی سی نیوز سے گفتگو کرتے ہوئے فیلکس آنٹون ہیمل نے کہا کہ جب میں نے نتیجہ دیکھا تو مجھے لگا کہ سب مجھے ووٹ نہ دینے پر متفق ہیں۔

(جاری ہے)

انہوں نے کہا کہ امیدوار کے طور پر اپنا نام اس وقت پیش کیا جب میرے دوست نے انتخابی اصلاحات ایڈوکیسی گروپ کے ساتھ کام کیا اور اس نے ہی مجھے اپروچ کیا۔ فیلکس آنٹون ہیمل کا کہنا ہے کہ میں تاریخ میں اپنے نام کو اس طرح لکھوانے کی توقع نہیں کر رہا تھا، میں ان لوگوں میں سے ہوں جن سے کسی بھی طرح سے کینیڈا کی تاریخ رقم کرنے کی توقع کی جاتی ہے۔سی بی سی نیوز کے مطابق ٹورنٹو سینٹ پال میں نہ رہنے کی وجہ سے فیلکس آنٹون ہیمل خود کو بھی ووٹ نہیں ڈال سکے اور انہوں نے تسلیم کیا کہ انہوں نے الیکشن مہم میں کوئی کوشش بھی نہیں کی۔