![UrduPoint](https://photo-cdn.urdupoint.com/daily/images/Logos/up-logo-mobile-ur.png)
حافظ نعیم الرحمن کا بجلی بلوں ،ٹیکسز میں اضافہ کے خلاف 12جولائی کو اسلام آباد میں دھرنے کا اعلان
پیر 1 جولائی 2024 22:51
![حافظ نعیم الرحمن کا بجلی بلوں ،ٹیکسز میں اضافہ کے خلاف 12جولائی کو اسلام ..](https://photo-cdn.urdupoint.com/show_img_new/daily/todayNewsLive/2024/800x400/pic_74734_1719497214.jpg._2)
(جاری ہے)
امیر جماعت نے حق دو عوام کو تحریک کا آغاز منصورہ میں ملک بھر سے آئی ہوئی جماعت اسلامی کی قیادت سے مشاورت کے بعد کیا۔حافظ نعیم الرحمن نے کہا کہ بجلی کے بل بم بن گئے، عوام بلوں کی ادائیگی کے لیے گھر کی اشیا اور خواتین زیور فروخت کر رہی ہیں، پٹرول، گیس کی قیمتیں بڑھا دی گئیں، آئی ایم ایف سے مذاکرات کے بعد مزید اضافے کا عندیہ دیا جا رہا ہے۔
حکمران طبقات، اراکین اسمبلی، سول ملٹری بیوروکریسی اور ججز اپنی مراعات کے لیے ایک ہو گئے، جاگیردار ٹیکس نہیں دیتے، ملک میں مخصوص طبقہ پنپ رہا ہے، عوام صحت، تعلیم سمیت بنیادی ضروریات سے محروم ہے، نوجوان اور پروفیشنلز مایوس ہو کر ملک سے بھاگ رہے ہیں، تنخواہ دار طبقہ انتہائی اذیت کا شکار ہے، پٹرولیم لیوی بڑھا دی گئی، بجلی بلوں میں فکس ٹیکس عائد کرنے کے اعلانات ہو رہے ہیں، شدید بحران کی سی کیفیت ہے، کوئی سیاسی پارٹی عوام کی بات نہیں کر رہی، جماعت اسلامی لوگوں کو حالات کے رحم و کرم پر نہیں چھوڑ سکتی۔ دھرنے کے خاتمہ کی کوئی تاریخ نہیں دے سکتے۔امیر جماعت نے کہا کہ ملک کے طول و عرض میں طویل لوڈشیڈنگ جاری ہے، آئی پی پیز بجلی پیدا نہ کر کے بھی اربوں کے کیپسٹی چارجز وصول کر رہی ہے، کے الیکٹرک کراچی میں گھنٹوں لوڈشیڈنگ کر رہی ہے، لوگ گرمی اور حبس سے مر رہے ہیں، کے الیکٹرک مراعات یافتہ طبقہ کو خرید لیتا ہے۔ انھوں نے کہا کہ ملک میں بجلی کی تقسیم کار کمپنیوں، نیپرا، آئی پی پیز اور حکومت کا شیطانی گٹھ جوڑ ہے۔حافظ نعیم الرحمن نے کہا کہ عوام کو دبانے، فوجی آپریشنز اور فارم 47سے مسلط ہونے سے مسائل حل نہیں ہوں گے، حکمران اپنی مراعات اور عیاشیاں ترک کریں، یہ چاہتے ہیں عوام کو مایوس کر کے اپنی من مانیاں جاری رکھیں۔ انھوں نے کہا کہ وزیراعظم نے برملا اعتراف کیا کہ بجٹ آئی ایم ایف کی مشاورت سے تیار کیا، حکمران غلامی پر شرمند ہونے کی بجائے فخریہ اعلان کر رہے ہیں۔ امریکی ایوان نمائندگان کی پاکستان میں جمہوریت سے متعلق قرارداد پر سوال کے جواب میں کہا کہ کسی بھی ملک کو پاکستان کے اندرونی معاملات میں مداخلت کا اختیار نہیں تاہم یہ بھی دیکھنا ہو گا کہ مداخلت کے مواقع کیوں ملتے ہیں۔ انہوںنے خبردار کیا کہ حکومت دھرنا کو روکنے کی کوشش نہ کرے اس سے مزاحمت میں مزید اضافہ ہو گا۔![Live](https://photo-cdn.urdupoint.com/daily/images/live_icon.jpg)
مزید قومی خبریں
-
لاہور، کمسن بچی سے زیادتی کرنے والا درندہ صفت ملزم گرفتار
-
گوجرہ ، حالیہ بجٹ میں لگائے گئے ٹیکسز سے اسٹیشنری کی قیمتوں کو پر لگ گئے بچوں کے ساتھ والدین بھی پریشان
-
گوجرہ ، شوہر کے علاج کے لئے اسپتال آنے والی خاتون کو درندہ صفت نے زیادتی کا نشانہ بنا ڈالا
-
دریائے چناب اور کابل میں درمیانے سے اونچے درجے کے سیلاب کی وارننگ جاری
-
سولر سسٹم میں استعمال ہونے والے گرین میٹرزپرپابندی عائد
-
مسلم لیگ (ن) عوامی خدمت پر یقین رکھتی ہی: خواجہ سلمان رفیق
-
جام کمال خان سے بیلاروس کے خارجہ امور کے فرسٹ ڈپٹی منسٹر کی ملاقات، مختلف امورپر تبادلہ خیال
-
پاکستان ، امریکہ دوفطری اتحادی ہیں ، گورنرسندھ
-
گورنرسندھ کی کندھکوٹ میں پولیس چیک پوسٹ پر حملہ کی شدید مذمت
-
سندھ حکومت صوبے کے 26 لاکھ گھروں کو مفت سولر فراہم کرے گی،سعید غنی
-
محکمہ ریلوے نے تمام ٹرینوں کے عارضی سٹاپ ختم کردیئے
-
لاہور میں گولی لگنے سے لڑکی کی موت کے معاملے میں اہم پیشرفت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.