سعودی نوجوانوں میں بیرون ملک شادی کا رجحان

بیرون مملکت شادی کرنے والوں کا تناسب 64.80 تک پہنچ چکا ہے،رپورٹ

ہفتہ 5 اکتوبر 2024 17:07

سعودی نوجوانوں میں بیرون ملک شادی کا رجحان

ریاض(اُردو پوائنٹ اخبارتازہ ترین - این این آئی۔ 05 اکتوبر2024ء) سعودی عرب کے قومی مرکز برائے سوشل سٹڈیز اینڈ ریسرچ کے حالیہ سروے میں کہا گیا ہے کہ مقامی نوجوانوں میں بیرون ملک شادی کرنے کے رجحان میں اضافہ دیکھنے میں آرہا ہے۔

(جاری ہے)

میڈیارپورٹس کے مطابق امام محمد بن سعود یونیورسٹی کے پروفیسر ڈاکٹر محمد التوم نے اس حوالے سے ریسرچ کی جس میں بیرون مملکت سے شریک حیات کا انتخاب کرنے کی مختلف وجوہ سامنے آئی ہیں۔

سروے میں جو وجوہ سامنے آئی ہیں ان میں سب سے اہم وجہ بیرون ملک رشتہ داری کا ہونا ہے جبکہ بڑھتی ہوئی عمر بھی ایک وجہ ہے جس کی وجہ سے یہاں رشتے ملنا مشکل ہوجاتے ہیں۔دیگر وجوہ میں مقامی طورپر شادی کے بڑھتے ہوئے اخراجات شامل ہیں جو شادی کرنے والے نوجوانوں کیلیے اضافی بوجھ ہوتے ہیں۔سروے رپورٹ میں بتایا گیا کہ بیرون مملکت شادی کرنے والوں کا تناسب 64.80 تک پہنچ چکا ہے۔