کملا ہیرس امریکی صدارتی انتخابات میں ہارسکتی ہیں، بل کلنٹن

ٹرمپ ہارے تو ری پبلکنز کو نقصان نہیں ہو گا جبکہ کملا ہاریں تو ڈیموکریٹس کو نقصان ہو گا،خطاب

منگل 15 اکتوبر 2024 18:34

کملا ہیرس امریکی صدارتی انتخابات میں ہارسکتی ہیں، بل کلنٹن

واشنگٹن (اُردو پوائنٹ اخبارتازہ ترین - این این آئی۔ 15 اکتوبر2024ء) سابق امریکی صدر بل کلنٹن نے ووٹرز کے باہر نہ نکلنے کی صورت میں امریکی صدارتی انتخابات کی ڈیموکریٹ امیدوار کملا ہیرس کے ہارنے کا خدشہ ظاہر کر دیا۔

(جاری ہے)

غیرملکی خبررساں ادارے کے مطابق جارجیا میں خطاب کرتے ہوئے بل کلنٹن نے کہا کہ کملا ہیریس کا معاشی پلان ڈونلڈ ٹرمپ سے بہتر ہے، ممکن ہے یہ ریاست پورے الیکشن کے نتائج کو طے کر دے۔انہوں نے کہا کہ 7 ریاستیں ایسی ہیں جہاں انتہائی کانٹے کا مقابلہ ہے۔سابق امریکی صدر نے مزید کہا کہ ہم تمام ریاستیں ہار سکتے ہیں اور جیت بھی سکتے ہیں۔بل کلنٹن کا یہ بھی کہنا تھا کہ ڈونلڈ ٹرمپ ہارے تو ری پبلکنز کو نقصان نہیں ہو گا جبکہ کملا ہاریں تو ڈیموکریٹس کو نقصان ہو گا۔