پاکستان کے تین کھلاڑی اسنوکرچیمپئن شپ کے ناک آؤٹ راؤنڈ میں پہنچ گئے

اسجد اقبال براہ راست راؤنڈ آف 16 میں پہنچ گئے، آصف اور اویس راؤنڈ آف 24 کھیلیں گے

پیر 4 نومبر 2024 14:48

پاکستان کے تین کھلاڑی اسنوکرچیمپئن شپ کے ناک آؤٹ راؤنڈ میں پہنچ گئے

کراچی (اُردو پوائنٹ اخبارتازہ ترین - این این آئی۔ 04 نومبر2024ء) پاکستان کے تین کھلاڑی ورلڈ اسنوکر چیمپئن شپ کے ناک آؤٹ راؤنڈ میں پہنچ گئے۔اسجد اقبال براہ راست راؤنڈ آف 16 میں پہنچ گئے، آصف اور اویس راؤنڈ آف 24 کھیلیں گے۔محمد آصف جرمنی کے سائمن لچنبرگ سے ہار کر بھی اگلے راؤنڈ تک آگئے، وہ فریم ڈفرینس کی بنیاد پر اپنے گروپ میں دوسرے نمبر پر رہے۔

(جاری ہے)

آخری میچ میں سائمن لچنبرگ نے آصف کو چار تین سے شکست دی تھی۔اسجد اقبال نے آخری گروپ میچ میں قطر کے خامس العبیدی کو چار صفر سے شکست دی تھی۔اسجد اقبال نے اپنے تینوں میچ جیت کر گروپ میں پہلی پوزیشن حاصل کرلی ہے، اویس منیر نے بحرین کے حبیب صباح کو چار۔ایک سے شکست دے کر ناک آؤٹ راؤنڈ میں جگہ بنائی۔پاکستان کے چوتھے کھلاڑی نسیم اختر دو میچز ہارنے کے بعد ناک آؤٹ راؤنڈ تک رسائی میں ناکام رہے۔