سعودی عرب ، مشرقی ریجن میونسپلٹی میں سبز کاری کا آغاز

دمام کی گلیوں اور پارکوں میں 500000درخت لگائے جائیں گے

بدھ 6 نومبر 2024 17:18

دمام(اُردو پوائنٹ اخبارتازہ ترین - این این آئی۔ 06 نومبر2024ء) قومی سبز سیزن کے موقع پر مشرقی ریجن میونسپلٹی نے 30رضاکاروں پر مشتمل خصوصی انیشی ایٹو کا آغاز کیا ہے اس امر کا اعلان وزیر ماحولیات ، پانی و زراعت عبد الرحمن الفادلی نے کیا ۔سعودی خبررساں ادارے کے مطابق گرمی کی شدت کم کرنے، معیار زندگی بہتر کرنے اور حیاتیاتی تنوع کو بڑھانے کیلئے دمام میں کام کا آغاز کیا گیا ہے۔

(جاری ہے)

دمام کی گلیوں اور پارکوں میں 500000درخت لگائے جائیں گے جن سے 30لاکھ پھول اگیں گے اور لاکھوں کروڑوں سبز پتے بھی نکلیں گے۔سعودی ویژن 2030کے تحت سعودی سبز کاری کا مقصد وسیع تر مہماتی انداز میں کاموں کو انجام دیا جانا ہے تاکہ پائیدار ماحولیاتی ترقی کو فروغ دیا جاسکے۔میونسپلٹی کے مطابق اس انیشی ایٹو سے مقامی سطح پر پودوں کے استعمال اور ماحولیاتی توازن کو برقرار رکھنے میں مدد ملے گی۔ نیز معیار زندگی کو بہتر کیا جا سکے گا۔