چیمپئنز ٹرافی، پاک بھارت میچ نہ ہونے پر آئی سی سی اور بھارتی بورڈ کو کتنا مالی نقصان ہوگا؟ حیران کن اعدادوشمار

آئی سی سی کو 50 کروڑ ڈالر کا نقصان برداشت کرنا ہوگا جبکہ بھارتی کرکٹ بورڈ کو بھی 10 کروڑ ڈالر تک کا نقصان اٹھانا پڑ سکتا ہے

ذیشان مہتاب جمعہ 15 نومبر 2024 15:25

چیمپئنز ٹرافی، پاک بھارت میچ نہ ہونے پر آئی سی سی اور بھارتی بورڈ کو ..

لاہور (اردو پوائنٹ تازہ ترین اخبار ۔ 15 نومبر 2024ء ) بھارتی حکومت نے چیمپئنز ٹرافی کیلئے بھارتی ٹیم کو پاکستان بھیجنے سے انکار کر دیاہے جبکہ پاکستان بھی اپنے موقف پر ڈٹ گیا ہے اور اب آئی سی سی کیلئے پریشانی کھڑی ہوئی ہے جبکہ شیڈول بھی تاخیر کا شکار ہے جس کے باعث سپانسرز بھی انٹرنیشنل کرکٹ کونسل پر دباو بڑھا رہے ہیں ۔

تفصیلات کے مطابق بھارتی ٹیم کے پاکستان نہ آنے پر مالی طور پر آئی سی سی کو بھی بھاری نقصان اٹھانا پڑسکتا ہے کیونکہ یہ کہنا غلط نہیں ہو گاکہ دنیا میں سب سے زیادہ دیکھے جانے والا میچ پاک بھارت کا ہی ہوتا ہے ۔

اگر بھارتی ٹیم نے نہیں آتی تو ممکنہ طور پر نویں نمبر پر موجود ٹیم کو ٹرافی میں شامل کر لیا جائے گا، جس کے باعث آئی سی سی کو 50 کروڑ ڈالر کا نقصان برداشت کرنا ہوگا جبکہ پاک بھارت میچز نہ ہونے پر بھارتی کرکٹ بورڈ کو بھی 10 کروڑ ڈالر تک کا نقصان اٹھانا پڑ سکتا ہے ۔

(جاری ہے)

یاد رہے کہ آئی سی سی نے مبینہ طور پر براڈکاسٹرز کو تین پاک بھارت میچز کی یقین دہانی کروا رکھی ہے جبکہ رائٹس کو کچھ عرصہ قبل تین بلین ڈالر میں فروخت کیا گیا تھا ۔

واضح رہے کہ یہ پہلی مرتبہ ہواہے کہ چیمپئنز ٹرافی کے شیڈول کے اعلان سے قبل ہی ٹرافی میزبان ملک میں پہنچا دی گئی ہے ۔ ٹرافی ملک کے بیشتر شہروں میں لے جائے گی ۔