جنید خان نے تیسرے ٹی ٹوٹنی میں آغا سلمان کو ناقص کپتانی پر آڑے ہاتھوں لے لیا

ٹی ٹونٹی کپتان نے نوجوان فاسٹ بولر جہانداد خان کو آخری اوور دیا جبکہ تجربہ کار بولر محمد حسنین کے 2 اوورز باقی تھے

ذیشان مہتاب جمعہ 6 دسمبر 2024 13:08

جنید خان نے تیسرے ٹی ٹوٹنی میں آغا سلمان کو ناقص کپتانی پر آڑے ہاتھوں ..

بولاوائیو (اردو پوائنٹ تازہ ترین اخبار ۔ 6 دسمبر 2024ء ) قومی ٹیم کے سابق فاسٹ بولر جنید خان نے آغا سلمان کو ناقص کپتانی پر آڑے ہاتھوں لے لیا۔

بلاوائیو میں کھیلے گئے تیسرے ٹی 20 میچ میں زمبابوے نے پاکستان کی جانب سے دیا جانے والا 133 رنز کا ہدف 8 وکٹوں کے نقصان پر دو گیندوں قبل حاصل کرلیا۔ سیریز پاکستان نے 1-2 سے اپنے نام کی۔

کپتان سلمان علی آغا نے نوجوان فاسٹ بولر جہانداد خان کو آخری اوور دیا جبکہ تجربہ کار بولر محمد حسنین کو دو اوورز باقی تھے۔

(جاری ہے)

جہانداد خان کو پہلی دو گیندوں پر چوکا اور اس کے بعد چھکا لگا اور زمبابوے نے ہدف کامیابی سے حاصل کرلیا۔

35 سالہ سابق ٹیسٹ فاسٹ بولر جنید خان کو بھی سلمان آغا کا آخری اوور جہانداد خان کو دینے کا فیصلہ اچھا نہیں لگا اور انہوں نے کہا کہ محمد حسنین آخری اوور کے لیے بہترین انتخاب تھے وہ اپنے تجربے سے میچ کا پانسہ پلٹ سکتے تھے۔

علاوہ ازیں سلمان آغا نے میچ کے بعد گفتگو کرتے ہوئے سیریز میں اپنی انفرادی کارکردگی پر اطمینان کا اظہار کیا۔ سلمان آغا نے کہا کہ میں زیادہ رنز بنانا پسند کرتا ہوں، ہاں مجھے خوشی ہے کہ میں بولنگ اور بطور کپتان بھی ٹیم میں اپنا حصہ ڈال رہا ہوں۔