ڈونلڈ ٹرمپ نے ڈیوڈ پرڈو کو چین کیلئے سفیر نامزد کر دیا

ہفتہ 7 دسمبر 2024 22:49

واشنگٹن(اُردو پوائنٹ اخبارتازہ ترین - آن لائن۔ 07 دسمبر2024ء)نو منتخب امریکی صدر ڈونلڈ ٹرمپ نے سابق سینیٹر ڈیوڈ پرڈو کو چین کے لیے سفیر نامزد کر دیا ہے۔اس حوالے سے سوشل میڈیا پر ڈونلڈ ٹرمپ نے کہا کہ چین کے سفیر کے لیے ان کا انتخاب ڈیوڈ پرڈو ہیں۔

(جاری ہے)

ڈونلڈ ٹرمپ نے کہا کہ ڈیوڈ پرڈو خطے میں امن برقرار رکھنے کے لیے اُن کی حکمتِ عملی کے نفاذ اور چینی رہنماؤں کے ساتھ کام کرنے کے نتیجہ خیز تعلقات میں اہم کردار ادا کریں گے۔غیر ملکی میڈیا کے مطابق ڈیوڈ پرڈو کا تعلق امریکی ریاست جارجیا سے ہے، وہ 2015ء سے 2021ء تک سینیٹر رہے۔واضح رہے کہ ڈونلڈ ٹرمپ نے اپنی پہلی حکومت میں ریاست آئیوا کے گورنر ٹیری برینسٹڈ کو چین کا سفیر نامزد کیا تھا۔