منی لانڈرنگ ، غیر قانونی ٹرانزکشن کیس: فریال تالپور کی حاضری استثنیٰ کی درخواست منظور

غیر قانونی ٹرانزکشن کے مقدمے میں اومنی گروپ کے انورمجید، عبد الغنی مجید، حسین لوائی و دیگر ملزمان عدالت میں پیش ہوئے

بدھ 8 جنوری 2025 04:15

کراچی(اُردو پوائنٹ اخبارتازہ ترین - این این آئی۔ 08 جنوری2025ء)اسپیشل جج بینکنگ کورٹ نے منی لانڈرنگ اور غیر قانونی ٹرانزکشن کے مقدمے میں فریال تالپور کی استثنیٰ کی درخواست منظور کرلی۔منگل کوکراچی میں اسپیشل بینکنگ عدالت میں منی لانڈرنگ اور غیر قانونی ٹرانزکشن کے مقدمے کی سماعت ہوئی۔

(جاری ہے)

اومنی گروپ کے انورمجید، عبد الغنی مجید، حسین لوائی و دیگر ملزمان عدالت میں پیش ہوئے۔پیپلز پارٹی رہنما فریال تالپور عدالت میں پیش نہیں ہوئیں، فریال تالپور کی حاضری سے استثنیٰ کی درخواست دائر کی گئی۔درخواست میں موقف اپنایا گیا کہ فریال تالپور کی طبعیت ناساز ہے، حاضری سے استثنیٰ دیا جائے۔عدالت نے فریال تالپور کی استثنیٰ کی درخواست منظور کرتے ہوئے سماعت ملتوی کردی۔