یواے ای کا بیٹریوں میں ایک ہزارمیگاواٹ بجلی محفوظ کرنے کا منصوبہ تیار

متحدہ عرب امارات نے 5ہزارمیگاواٹ کا سولرپاورمنصوبہ بھی بنانے کا اعلان کیا ،عرب میڈیا

جمعرات 16 جنوری 2025 17:30

یواے ای کا بیٹریوں میں ایک ہزارمیگاواٹ بجلی محفوظ کرنے کا منصوبہ تیار

دبئی(اُردو پوائنٹ اخبارتازہ ترین - این این آئی۔ 16 جنوری2025ء)متحدہ عرب امارات نے بیٹریوں میں ایک ہزارمیگاواٹ بجلی محفوظ کرنے کا منصوبہ تیار کرلیا۔عرب میڈیاکے مطابق متحدہ عرب امارات نی5 ہزارمیگاواٹ کا سولرپاورمنصوبہ بھی بنانے کا اعلان کیا ہے، قابل تجدید توانائی کی سرکاری کمپنی منصوبے پر6ارب ڈالرسرمایہ کاری کرے گی۔

(جاری ہے)

90مربع کلو میٹررقبے پر بننے والے منصوبہ سے 2027میں بجلی ملنا شروع ہوگی۔

متحدہ عرب امارات ماحولیاتی تبدیلیوں سے نمٹنے کیلئے ایک حکمت عملی کے طور پر صاف اور قابل تجدید توانائی کے منصوبوں پر عمل درآمد کر رہا ہے جن میں خاص طور پر شمسی توانائی کا حصول شامل ہے۔متحدہ عرب امارات تیل کے آخری قطرے کو الوداع کرنے اور اقتصادی ترقی اور صاف، صحت مند اور محفوظ ماحول کے تحفظ کے درمیان توازن حاصل کرنے کیلئے تیاری کر رہا ہے۔