ویسٹ انڈین سپنر جومل واریکن نے پاکستان کیخلاف نئی تاریخ رقم کردی

ملتان ٹیسٹ کی دوسری اننگز میں جومل واریکن نے 7 پاکستان کھلاڑیوں کو پویلین کی راہ دکھائی

ساجد علی اتوار 19 جنوری 2025 12:04

ویسٹ انڈین سپنر جومل واریکن نے پاکستان کیخلاف نئی تاریخ رقم کردی

ملتان ( اُردو پوائنٹ اخبارتازہ ترین۔ 19 جنوری 2025ء ) پاکستان کے خلاف سیریز کے پہلے ٹیسٹ میچ کی دوسری اننگز میں ویسٹ انڈین سپنر نے نئی تاریخ رقم کردی۔

(جاری ہے)

تفصیلات کے مطابق ملتان میں کھیلے جانے والے ٹیسٹ میچ کی دوسری اننگز میں جومل واریکن نے 7 پاکستان کھلاڑیوں کو پویلین کی راہ دکھائی جن میں بابراعظم، محمد ہریرہ، کامران غلام، سعود شکیل، محمد رضوان، نعمان علی اور ساجد خان شامل ہیں، اس کے ساتھ ہی جومل واریکن ویسٹ انڈیز کے پہلے بالر بن گئے جنہوں نے پاکستان میں 5 یا اس سے زائد وکٹیں حاصل کی ہوں اس سے قبل کوئی ویسٹ انڈین بولر یہ کارنامہ سرانجام نہیں دے سکا۔

علاوہ ازیں ویسٹ انڈیز کی ٹیم نے ملتان ٹیسٹ میں کسی بھی سپنر سے میچ کی پہلی گیند کرواکر اپنی 113 سال پُرانی روایت بھی توڑ دی، یہ اس وقت ممکن ہوا جب میچ کے آغاز پر پاکستان نے پہلی اننگز شروع کی تو گڈاکیش موتی نے پہلی بار ویسٹ انڈیز کیلئے بطور سپنر بالنگ کا آغاز کیا، انہوں نے پہلی گیند قومی ٹیم کے کپتان شان مسعود کو کروائی جس سے مہمان ٹیم نے نئی تاریخ رقم کی۔