ملتان ٹیسٹ: ویسٹ انڈیز کی دوسری اننگز میں آدھی ٹیم پوویلین لوٹ گئی ، ساجد خان نے 4 کھلاڑیوں کو پویلین بھیجا

پاکستان نے ویسٹ انڈیز کو جیت کے لیے 251 رنز کا ہدف دیا ہے

ذیشان مہتاب اتوار 19 جنوری 2025 12:18

ملتان ٹیسٹ: ویسٹ انڈیز کی دوسری اننگز میں آدھی ٹیم پوویلین لوٹ گئی ، ..

ملتان (اردو پوائنٹ تازہ ترین اخبار ۔ 19 جنوری 2025ء ) ملتان ٹیسٹ میں پاکستان کی جانب سے دیے گئے 251 رنز کے ہدف کے تعاقب میں ویسٹ انڈیز کی آدھی ٹیم پوویلین لوٹ گئی ۔

ملتان کرکٹ اسٹیڈیم میں کھیلے جا رہے میچ میں ویسٹ انڈیز نے 251 رنز کے ہدف کے تعاقب میں 5 وکٹوں کے نقصان پر 54 رنز بنا لیے ہیں۔ پاکسان کی جانب سے ساجد خان نے 4 اور نعمان علی نے ایک کھلاڑی آؤٹ کیا۔

مہمان ٹیم کو جیت کے لیے 216 رنز جبکہ پاکستان کو 7 وکٹیں درکار ہیں۔

قبل ازیں پاکستان نے ملتان ٹیسٹ کے تیسرے روز اپنی دوسری نا مکمل اننگز کا آغاز 109 رنز 3 کھلاڑی آؤٹ سے کیا لیکن کھیل کی پہلی ہی گیند پر پہلی اننگز کے نمایاں اسکورر سعود شکیل اپنے انفرادی اسکور میں بغیر کسی اضافے کے 2 رنز پر آؤٹ ہو گئے۔

(جاری ہے)

نئے آنے والے کھلاڑی محمد رضوان بھی دو رنز پر اپنی وکٹ گنوا بیٹھے، کامران غلام 27 رنز بنا کر آؤٹ ہوئے جبکہ نعمان علی 9 اور ساجد خان 5 رنز بنا کر آؤٹ ہوئے۔

سلمان علی آغا 14 رنز بنا کر آؤٹ ہوئے۔

ویسٹ انڈیز کی جانب سے جومیل ویریکن نے 7 جبکہ گوداکیش موٹی نے ایک وکٹ حاصل کی، پاکستان کے دو کھلاڑی رن آؤٹ ہوئے۔

یاد رہے کہ پہلی اننگز میں پاکستانی ٹیم 230 رنز پر آؤٹ ہو گئی تھی جس کے جواب میں ویسٹ انڈین ٹیم 137 رنز پر ڈھیر ہو گئی تھی۔