بیورو کریٹس کی بطور وی سیز تقرری، سندھ کی جامعات میں تدریسی عمل 5 دن سے معطل

سندھ میں بیوروکریٹس کو وائس چانسلر تعینات کرنے کے فیصلے پر فپواسا نے بائیکاٹ کا اعلان کیا تھا

پیر 20 جنوری 2025 17:29

بیورو کریٹس کی بطور وی سیز تقرری، سندھ کی جامعات میں تدریسی عمل 5 دن ..

کراچی(اُردو پوائنٹ اخبارتازہ ترین - این این آئی۔ 20 جنوری2025ء) سندھ میں بیوروکریٹس کو وائس چانسلر بنانے کے فیصلے کے خلاف مختلف جامعات میں تدریسی عمل کا بائیکاٹ جاری ہے۔

(جاری ہے)

نجی ٹی وی کے مطابق بیوروکریٹس کو وائس چانسلر بنانے کے فیصلے کے خلاف فیڈریشن آف آل پاکستان اکیڈمک اسٹاف ایسوسی ایشن سندھ (فپواسا) کی اپیل پرتدریسی عمل معطل ہے۔حکومتی فیصلے کے خلاف جامعہ کراچی سمیت سندھ کی 17 سے زائد جامعات میں 16 جنوری سے تدریسی عمل کا بائیکاٹ جاری ہے۔ فپواسا نمائندوں نے مطالبہ کیا کہ وائس چانسلرز کی تقرری کیلیے یونیورسٹیز ایکٹ میں مجوزہ ترامیم واپس لی جائیں۔