ثانیہ مرزا کے اماراتی بزنس ٹائیکون عدیل ساجن کو ڈیٹ کرنے کی خبریں زیرِ گردش

پیر 20 جنوری 2025 20:21

نئی دہلی (اُردو پوائنٹ اخبارتازہ ترین - این این آئی۔ 20 جنوری2025ء)پاکستان کرکٹ ٹیم کے سابق کپتان شعیب ملک کی سابقہ اہلیہ و بھارتی سابق ٹینس اسٹار ثانیہ مرزا اور متحدہ عرب امارات بزنس ٹائیکون عدیل ساجن کے تعلقات کی خبریں گردش کر رہی ہیں۔بھارتی میڈیا رپورٹس کے مطابق اپنے بیٹے اذہان مرزا ملک کے ہمراہ دبئی میں مقیم ثانیہ مرزا ایک بار پھر توجہ کا مرکز بن گئی ہیں، اس بار ان کا نام مشہور ارب پتی تاجر عدیل ساجن کے ساتھ جوڑا جا رہا ہے۔

میڈیا رپورٹس میں دعویٰ کیا گیا ہے کہ تاجر عدیل ساجن ان دنوں ثانیہ مرزا کے ولا کو ڈیزائن کر رہے ہیں تاہم ان کے درمیان پیشہ ورانہ تعلقات سے زیادہ ہیں۔میڈیا رپورٹس کے مطابق فی الحال اس حوالے سے عدیل ساجن اور ثانیہ مرزا دونوں نے ہی خاموشی اختیار کی ہوئی ہے۔

(جاری ہے)

یاد رہے کہ اس سے قبل شعیب ملک سے علیحدگی کے اعلان کے بعد ثانیہ مرزا کا نام بھارتی کرکٹر محمد شامی کے ساتھ جوڑا گیا تھا تاہم بعد ازاں ان افواہوں کو مسترد کر دیا گیا تھا۔

بھارتی بزنس ٹائیکون رضوان ساجن کے بیٹے عادل ساجن متحدہ عرب امارات میں نجی گروپ کے منیجنگ ڈائریکٹر ہیں، جو اپنے پٴْرتعیش طرزِ زندگی کے لیے جانے جاتے ہیں، ان کی نیٹ ورتھ 1.3 بلین ڈالرز ہے،ان کا گروپ پراپرٹی کے کاروبار کے علاوہ ٹینس ٹورنامنٹس اور فلم فیئر ایوارڈز کو اسپانسر بھی کرتا ہے۔