عرب امارات کا غزہ کے لئے انسانی امداد کے آپریشن چیولرس نائٹ 3 کا سب سے بڑا مرحلہ شروع

آپریشن چیولرس نائٹ 3 فلسطینی عوام کے ساتھ کھڑے ہونے کے لیے متحدہ عرب امارات کے مستقل عزم کی عکاسی کرتا ہے،سربراہ امدادی مشن

پیر 20 جنوری 2025 20:05

ابو ظہبی(اُردو پوائنٹ اخبارتازہ ترین - این این آئی۔ 20 جنوری2025ء)متحدہ عرب امارات کی جانب سے غزہ کے باشندوں کو امداد فراہم کرنے کے لیے آپریشنچیولرس نائٹ 3 کا سب سے بڑا مرحلہ پیر سے شروع کر دیا گیا۔ امارات نیوز ایجنسی کے مطابق صدر شیخ محمد بن زاید النہیان کی ہدایت کے مطابق غزہ کے باشندوں کو امدادی امداد فراہم کرنے کے لیے آپریشن چیولرس نائٹ 3 کا سب سے بڑا مرحلہ شروع کر دیا گیا ہے ۔

اس آپریشن کے تحت پیر کو 20 ٹرکوں پر مشتمل ایک امدادی قافلہ روانہ کیا جس میں 200 ٹن سے زیادہ ضروری انسانی امداد شامل ہے، جس میں خوراک کا سامان، سردیوں کے کپڑے اور دیگر بنیادی ضروریات شامل ہیں، جس کا مقصد خطے میں سنگین انسانی حالات سے متاثرہ خاندانوں کو فوری مدد فراہم کرنا ہے۔یو اے ای کے امدادی مشن کے سربراہ حماد النیادی نے زور دیا کہ آپریشن چیولرس نائٹ 3 فلسطینی عوام کے ساتھ کھڑے ہونے کے لیے متحدہ عرب امارات کے مستقل عزم کی عکاسی کرتا ہے۔

(جاری ہے)

انہوں نیبتایا کہ آج تک، اس آپریشن نے غزہ تک 156 امدادی قافلوں کے ذریعے تقریبا 29,784 ٹن انسانی امداد پہنچائی ہے۔ انہوں نے کہا کہ آپریشنچیولرس نائٹ 3 فلسطینی عوام کو 441 دنوں سے 500 سے زائد ایئر لفٹوں، پانچ سٹریٹجک ٹرانسپورٹ بحری جہازوں اور مصر سے غزہ تک 2,500 ٹرکوں کے ذریعے انسانی امداد پہنچا رہا ہے۔اسی آپریشن کے تحت یو اے ای کی جانب سے غزہ میں ایک فیلڈ ہسپتال اور مصر میں آریش میں ایک تیرتا ہوا ہنگامی دیکھ بھال اور سرجری کے لیے جدید ہسپتال قائم کیا گیا ہے جہاں سے متحدہ عرب امارات کے ہسپتالوں میں مزید علاج کے لیے نازک کیسز کو منتقل کیا جاتا ہے۔

مزید برآں، اس میں پانی کے منصوبے شامل ہیں، جیسے کہ رفح، مصر میں ڈی سیلی نیشن پلانٹس کی تعمیر، جس کی پیداواری صلاحیت 20 لاکھ گیلن یومیہ ہے، نیز "برڈز آف گڈ نیس اقدام، جس میں زمین کے ذریعے ناقابل رسائی علاقوں تک امدادی امداد شامل ہے۔ شمالی غزہ میں اس آپریشن کے تحت متعدد دیگر اقدامات بھی عمل میں لائے گئے ہیں۔