فحاشی،بے حیائی اور بیہودگی پھلانے والی اداکارائوںں پرتاحیات پابندی عائد کرنے کا فیصلہ

فحاشی پھلانے والے تھیڑز کے لائسنس بھی کینسل کرنے کا فیصلہ،وزیراعلیٰ چاہتی تھیڑز کو فیملی تھیڑز بنایا جائے‘عظمیٰ بخاری

ہفتہ 25 جنوری 2025 19:45

لاہور(اُردو پوائنٹ اخبارتازہ ترین۔ 25 جنوری2025ء)پنجاب حکومت کا تھیڑز میں فحاشی،بے حیائی اور بیہودگی پھلانے والی اداکارائوں پرتاحیات پابندی اور فحاشی پھلانے والے تھیڑز کے لائسنس کینسل کرنے کا فیصلہ کر لیا۔ وزیر اطلاعات پنجاب عظمیٰ بخاری نے تھیڑ میں فحاشی اور بے حیائی پھلانے پر تھیڑ مالکان پر سخت برہمی کا اظہار کیا ۔ وزیر اطلاعات کی پنجاب آرٹس کونسل کو تمام تھیڑز مالکان سے انڈرٹیکنگ لینے کی بھی ہدایت کر دی۔

انڈرٹیکنگ کے بعد سیل شدہ تھیڑز کو کھولنے کا حکم دیدیا۔ اس حوالے سے وزیراطلاعات و ثقافت پنجاب عظمیٰ بخاری کی تھیڑ مالکان سے ملاقات ہوئی۔ اس موقع پر وزیر اطلاعات نے عظمی بخاری نے کہا کہ وزیراعلیٰ پنجاب مریم نواز کے ہوتے ہوئے تھیڑز میں بے حیائی اور فحاشی پھلانے کی اجازت نہیں دی جائے گی۔

(جاری ہے)

پنجاب میں ایسے تھیڑز ڈرامے بننے چاہیے جہاں فیملیز دیکھنے آئیں۔

انکا کہنا تھا کہ تھیڑز ڈرامے سماجی موضوعات پر مبنی ہونے چاہیے جس سے عوام کی رہنمائی ہوسکے۔ جن تھیڑز مالکان اور اداکاروں کو فحاشی پھیلانے کا شوق ہے وہ پنجاب میں ڈرامہ نہیں کرسکتے۔ پنجاب کے تھیڑز دنیا بھر میں اپنی منفرد پہچان ہوتے تھے۔ پنجاب حکومت جلد تھیڑز کیلئے نئی قانون سازی کرنے جارہی ہے۔ وزیر اطلاعات نے کہا کہ تھیڑز مالکان فیملی ڈرامے بنائیں حکومت انکو مکمل سپورٹ کریگی۔ سب تھیڑز کو آخری وارننگ دی جارہے۔ جس تھیڑ نے رولز کی خلاف ورزی شوکاز نوٹس آئیں گے پھر جرمانہ ہوگا پھر لائسنس کینسل ہونگے۔