ایس ایس یوSWAT ٹیم دبئی پولیس کے زیر اہتمام UAE SWAT چیلنج 2025 میں شرکت کے لیے تیار

جمعہ 31 جنوری 2025 17:05

کراچی(اُردو پوائنٹ اخبارتازہ ترین - این این آئی۔ 31 جنوری2025ء)سندھ پولیس کی ایس ایس یو SWAT اسپیشل ویپنز اینڈ ٹیکٹس ٹیم 1 سے 5 فروری 2025 تک دبئی پولیس کی میزبانی میں ہونے والے اہم ایونٹ میں اپنی پیشہ ورانہ مہارتوں کا مظاہرہ کرنے کے لیے تیار ہے۔ ایس ایس یو کی SWAT ٹیم کو UAE SWAT چیلنج 2025 میں وزیر داخلہ سندھ ضیا الحق لنجار کی اور آئی جی سندھ غلام نبی میمن کا مکمل تعاون اور حمایت حاصل ہے۔

ایس ایس یوSWAT اسپیشل ویپنز اینڈ ٹیکٹسٹیم آٹھ تربیت یافتہ ارکان پر مشتمل ہے۔ ٹیم سینئر افسران کی قیادت میں 2020 سے یو اے ایSWAT چیلنج میں مسلسل حصہ لے رہی ہے جو کہ پاکستان کی جانب سے اس قسم کے ایونٹ میں پہلی شرکت تھی۔ 2022 میں ٹیم نے عالمی سطح پر پہچان حاصل کی اور آبسٹیکل کورس کیٹیگری میں ٹاپ ٹین میں جگہ بنائی۔

(جاری ہے)

ٹیم کی شاندار کارکردگی کو دبئی پولیس کے میجر جنرل عبد اللہ الغیتی نے سراہا اور انہیں مقابلے میں متاثر کن کارکردگی پر خصوصی ٹرافی سے نوازا۔

اس سال بھی ٹیم کا مقصد یو اے ای SWAT چیلنج 2025 میں اپنی کارکردگی کے ذریعے ملک کا نام روشن کرنا ہے۔ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے ایس ایس یوSWAT ٹیم کی گزشتہUAE SWAT چیلنجز میں شاندار کارکردگی پر فخر کا اظہار کیا اور انہیں آنے والے ایونٹ میں کامیابی کی دعا دی۔ انہوں نے کہا کہ''ایس ایس یوSWAT ٹیم نے عالمی سطح پر اپنی صلاحیتوں کا لوہا منوایا ہے۔

ہمیں ان کی صلاحیتوں پر مکمل اعتماد ہے کہ وہ بہترین کارکردگی کا مظاہرہ کریں گے۔''UAE SWAT چیلنج جو ہر سال الروایہ رینج دبئی، متحدہ عرب امارات میں منعقد ہوتا ہے میں دنیا بھر سے 120 سے زائد ٹیمیں حصہ لیں گی، جن میں پاکستان کی تین ٹیمیں پنجاب پولیس، مارولز، اور ایس ایس یو SWAT شرکت کر رہی ہیں۔ اس مقابلے میں ٹیمیں پانچ کیٹیگریزجو کہ ٹیکٹیکل ایونٹ، اسالٹ ایونٹس، آفیسر ریسکیو، ٹاور ایونٹ اور آبسٹیکل کورس پر مشتمل ہیں میں مدمقابل ہوں گی۔