ثانیہ مرزا نے اپنے گھر کے باہر سے بھی شعیب ملک کا نام ہٹا دیا

زندگی کی پہلی ترجیح اب بیٹا اذہان ہے، وہی میرا بہترین دوست ہے : سابق بھارتی ٹینس سٹار

ذیشان مہتاب ہفتہ 1 فروری 2025 11:38

ثانیہ مرزا نے اپنے گھر کے باہر سے بھی شعیب ملک کا نام ہٹا دیا

لاہور (اردو پوائنٹ تازہ ترین اخبار ۔ یکم فروری 2025ء ) سابق کپتان شعیب ملک کی سابقہ اہلیہ ثانیہ مرزا نے دبئی کے اپنے نئے گھر سے سابقہ شوہر کا نام ہٹادیا۔

میڈیا رپورٹس کے مطابق دبئی میں بھارتی ٹینس اسٹار ثانیہ مرزا کے وِلا کا کام مکمل ہوگیا جبکہ فنشنگ کی جارہی ہے جس کے بعد وہ اپنے بیٹے اذہان کے ہمراہ گھر میں منتقل ہوجائیں گی۔

38 سالہ ثانیہ مرزا اپنے بیٹے اذہان کے ساتھ طویل عرصے سے متحدہ عرب امارات (یو اے ای) میں مقیم ہیں۔

ادھر گھر پر لکھی گئی نام کی پلیٹ سے ثانیہ مرزا نے شعیب ملک کو ہٹادیا ہے اور اب ان کی جگہ اپنے بیٹے اذہان کا نام لکھا ہے۔

بھارتی ٹینس سٹار دبئی اور حیدرآباد میں دو ٹینس آکیڈمیز چلارہی ہیں جبکہ اس کے علاوہ ٹی وی نشریات میں سونی اسپورٹس نیٹ ورک کے ساتھ منسلک ہیں، انہوں نے رواں ماہ آسٹریلین اوپن 2025ء کی کوریج پر کام بھی کیا تھا۔

(جاری ہے)

ثانیہ مرزا نے انکشاف کیا ہے کہ ان کی زندگی کی پہلی ترجیح اب ان کا بیٹا اذہان ہے، جو ان کا بہترین دوست ہے۔

خیال رہے کہ ثانیہ مرزا اور شعیب ملک 2010ء میں شادی کے بندھن میں بندھے تھے تاہم 14 سال بعد 2024ء میں دونوں کے درمیان علیحدگی ہوئی، ان کا بیٹا اذہان 2018ء میں پیدا ہوا تھا۔

ثانیہ مرزا پاکستانی کرکٹر سے شادی کے بعد دبئی آگئیں تھی اور وہیں سے اپنی اکیڈمی چلارہی ہیں۔

واضح رہے کہ بھارتی ٹینس اسٹار ثانیہ مرزا نے 2023ء میں پروفیشنل ٹینس سے ریٹائرمنٹ لے لی اور 6 گرینڈ سلیم ٹائٹلز اپنے نام کیے تھے۔