مظفرآباد میں پاکستان سے عہد وفا کی تجدید کے لئے جماعت اسلامی کا کشمیر مارچ

پیر 3 فروری 2025 21:40

مظفرآباد (اُردو پوائنٹ اخبارتازہ ترین - آن لائن۔ 03 فروری2025ء)مظفرآباد میں پاکستان سے عہد وفا کی تجدید کے لئے جماعت اسلامی کا کشمیر مارچ، یکجہتی کشمیر کے سلسلہ میں کشمیر مارچ میں کشمیریوں کی بڑی تعداد نے شرکت کی ، پاکستانی پرچم اٹھا کر شرکا مارچ نے کشمیر بنے گا پاکستان ،ہم پاکستانی ہیں پاکستان ہمارا ہے کہ نعرے لگائے ۔

(جاری ہے)

کشمیر مارچ میں آزاد کشمیر کی کی قیادت ،مقبوضہ کشمیر کی حریت قیادت اور ،وزیر اعظم آزاد کشمیر اورجماعت اسلامی پاکستان کے سربراہ حافظ نعیم الرحمن نے خطاب کیا ، کشمیرمارچ میں خواتین اور مقبوضہ کشمیر کی مہاجرین کی بڑی تعداد نے پاکستانی پرچم اور سید علی گیلانی کی تصاویر اٹھا کر شرکت کی ، وزیر اعظم آزاد کشمیر چودھری انوار الحق کا کہنا تھا کہ آزاد کشمیر کے عوام پاک فوج کے شانہ بشانہ وفاع پاکستان کے فرنٹ لائن سولجر ہیں، امیرِ جماعت اسلامی پاکستان انجینئر حافظ نعیم الرحمٰن نے اپنے خطاب میں کہا کہ قائدِ اعظم نے کشمیر کو پاکستان کی شہ رگ قرار دیا تھا ہم اس نظریے کی حفاظت کریں گے، پاکستان کے عوام کشمیری عوام کے جدو جہد میں ان کے ساتھ ہیں،کشمیریوں کو کبھی تنہا نہیں چھوڑیں گے، امیر جماعت اسلامی آزاد کشمیر وگلگت بلتستان ڈاکٹر محمد مشتاق کا کہنا تھا کہ کشمیریوں کی منزل پاکستان ہے جسکے حصول تک کشمیری بھارت سے لڑتے رہیں گے،کنونئیر کل جماعتی حریت کانفرنس غلام محمد صفی نے کہا کہ بھارت لاکھوں فوجیوں کے زریعے کشمیر کو محاصرے میں لے کر بھی جذبہ حریت کو کچل نہیں سکا۔