سابق پاکستانی کرکٹر افریقی ٹیم نے ''بالنگ کنسلٹنٹ'' مقرر

ہفتہ 8 فروری 2025 23:08

لاہور(اُردو پوائنٹ اخبارتازہ ترین - آن لائن۔ 08 فروری2025ء)قومی کرکٹ ٹیم کے سابق آل راؤنڈر یاسر عرفات کو سہ ملکی سیریز کیلئے جنوبی افریقی ٹیم نے بالنگ کنسلٹنٹ مقرر کردیا۔تین ٹیسٹ، 11 ون ڈے اور 13 ٹی20 میں پاکستان کی نمائندگی کرنے والے یاسر عرفات لندن سے پاکستان پہنچ گئے ہیں اور 10 فروری کو نیوزی لینڈ کے خلاف سہ ملکی سیریز کے پہلے میچ کے آغاز سے قبل تربیتی سیشن میں پروٹیز اسکواڈ کو جوائن کریں گے۔

(جاری ہے)

یاسر عرفات پہلے پاکستانی کرکٹر ہیں، جنہوں نے انگلینڈ کی یونیورسٹی سے لیول 4 کا کوچنگ کورس مکمل کررکھا ہے۔سابق آل راؤنڈر بطور بالنگ کوچ انگلش کاؤنٹی ٹیم سسیکس اور سرے کے علاوہ بگ بیش لیگ میں پرتھ اسکارچرز کیساتھ بھی منسلک رہ چکے ہیں۔اس کے علاوہ یاسر عرفات نے پاکستانی ٹیم کے نیشنل ہائی پرفارمنس اور ہانگ کانگ ٹیم کے بالنگ کوچ کی ذمہ داریاں بھی سرانجام دیں تھی۔اپنی تقرری پر ردعمل دیتے ہوئے سابق کرکٹر کا کہنا تھا کہ جنوبی افریقی ٹیم کے ساتھ کام کرنا 'بہترین تجربہ' ہوگا۔انہوں نے کہا کہ بطور بالنگ کنسلٹنٹ کوشش ہوگی مہمان ٹیم کی غلطیوں پر کام کروں اور انکے میچز سے قبل کنڈیشنز سے ہمکنار کرواؤں۔