Live Updates

سنجیدہ مذاکرات کیلئے شاہ محمود قریشی کو تو رہا کیا جائے، فواد چوہدری کا حکومت کو مشورہ

وزیراعلیٰ خیبرپختونخواہ علی امین گنڈاپور 99 فیصد معاملات طے ہونے کی غلط بات کر رہے تھے؛ سابق وفاقی وزیر کی گفتگو

ساجد علی اتوار 9 فروری 2025 11:55

سنجیدہ مذاکرات کیلئے شاہ محمود قریشی کو تو رہا کیا جائے، فواد چوہدری ..

لاہور ( اُردو پوائنٹ اخبارتازہ ترین۔ 09 فروری 2025ء ) سابق وفاقی وزیر فواد چوہدری نے وفاقی حکومت کو مشورہ دیا ہے کہ پاکستان تحریک انصاف سے سنجیدہ مذاکرات چاہتے ہیں تو وائس چیئرمین پی ٹی آئی شاہ محمود قریشی کو تو رہا کیا جائے۔ مختلف میڈیا انٹرویوز میں انہوں نے کہا کہ بیرسٹر گوہر سمیت دیگر لوگوں کو تو بانی پی ٹی آئی جانتے بھی نہیں اور موجودہ قیادت کا ان سے اس طرح کا تعلق نہیں، پی ٹی آئی سے سنجیدہ مذاکرات چاہتے ہیں تو شاہ محمود کو تو رہا کیا جائے، شاہ محمود، اعجاز چوہدری اور یاسمین راشد کو کم از کم ضمانت تو دی جائے۔

فواد چوہدری کا کہنا ہے کہ وزیراعلی خیبر پختونخواہ علی امین گنڈاپور 99 فیصد معاملات طے ہونے کی غلط بات کر رہے تھے، بانی پی ٹی آئی کی طرف سے تو معاملات طے نہیں ہوئے، گنڈاپور نے عمران خان کی جیل سے منتقلی کیلئے اپنا ذہن خود بنا لیا تھا، بانی پی ٹی آئی نے مجھے بتایا ہے انہیں تو پہلے سے آفرز ہو رہی تھیں، اس وقت بانی پی ٹی آئی عمران خان کا ایک ہی مفاد ہے نئے الیکشن ہونے چاہئیں، فضل الرحمان اور محمود اچکزئی کی بانی پی ٹی آئی سے تلخیاں کم ہیں اس لیے دونوں کے ذریعے بات چیت شروع ہونی چاہیئے۔

(جاری ہے)

انہوں نے کہا کہ پی ٹی آئی عسکری جماعت نہیں سیاسی جماعت ہے، میں نے سابق آرمی چیف قمر جاوید باجوہ کو کہا تھا کہ نیوٹرل اس طرح نہیں ہوا جاتا، حکومت کو سیاسی درجہ حرارت کم کرنا ہوگا، انہوں نے سمجھ لیا ہے ڈنڈا ہی ہرچیزکاعلاج ہے، پاکستان کے سیاسی ماحول میں تلخیاں کم کرنے میں کامیابی نہیں ہوئی، سپیکر قومی اسمبلی ایاز صادق اور نائب وزیر اعظم اسحاق ڈار سمیت دیگر نے مذاکرات بڑھانے کی کوشش کی، حکومتی کمیٹی نے بانی پی ٹی آئی سے ملاقات کرانے کی کوشش کی جو نہیں ہوسکی۔