Live Updates

پنجاب دھی رانی پروگرام

1500اجتماعی شادیوں کا پہلا مرحلہ مکمل، مزید سینکڑوں درخواستوں کی وصولی کا آغاز ہوگیا

اتوار 9 فروری 2025 12:20

لاہور(اُردو پوائنٹ اخبارتازہ ترین - این این آئی۔ 09 فروری2025ء) ’’پنجاب دھی رانی پروگرام‘‘ کے تحت 1500اجتماعی شادیوں کا پہلا مرحلہ مکمل ہو گیا جبکہ دوسرے مرحلہ کیلئے مزید 1500شادیوں کے لئے درخواستوں کی وصولی کا آغاز ہو گیا۔’’پنجاب دھی رانی پروگرام‘‘ کے لئے درخواستیں آن لائن پورٹل cmp.punjab.gov.pk پر گھر بیٹھے جمع کرائی جا سکتی ہیں ، ’’پنجاب دھی رانی پروگرام‘‘ کے لئے درخواستیں ڈپٹی ڈائریکٹر سوشل ویلفیئر کے ضلعی آفس میں بھی جمع کرائی جا سکتی ہیں، ’’پنجاب دھی رانی پروگرام‘‘ کے بارے میں معلومات کے لئے 1312ہیلپ لائن بھی قائم کی گئی ہے۔

(جاری ہے)

اجتماعی شادیوں کی تقریب میں دٴْلہا دٴْلہن او رانکے قریبی عزیز واقارب کے لئے کھانا حکومت پنجاب کی طرف سے دیا جائے گا ، اجتماعی شادیوں میں نئے شادی شدہ جوڑو ں کو اے ٹی ایم کے ذریعے ایک لاکھ روپے سلامی بھی دی جائے گی ، پروگرام کے تحت دٴْلہا دٴْلہن کو فرنیچر اور کپڑوں سمیت دیگر ضروری سازو سامان کے تحائف بھی پیش کئے جائیں گے۔وزیراعلیٰ مریم نواز نے کہا کہ پنجاب کی ہر بیٹی سے محبت ہے، گھر بسانے پر دلی خوشی ہوتی ہے ، معاشرے کے نادار اور محروم طبقات کا احساس حکومت کی ذمہ داری ہے، ہر ذمہ داری اچھی طرح نبھائیں گے، بیٹیوں کے سر پر دست شفقت رکھنا پنجاب کی ریت ہے۔