صوبہ بھر میں لاکھوں شہری ماہانہ پولیس خدمت مراکز کی سہولیات سے مستفید ہو رہے ہیں، ترجمان پنجاب پولیس

اتوار 9 فروری 2025 16:20

لاہور (اُردو پوائنٹ اخبارتازہ ترین - اے پی پی۔ 09 فروری2025ء) پنجاب پولیس کے خدمت مراکز شہریوں کو ڈیجیٹل خدمات کی فراہمی میں مصروف عمل ہیں، رواں سال ایک ماہ میں 04لاکھ 67 ہزار سے زائد شہریوں نے خدمت مراکز سے پولیسنگ سروسز حاصل کیں۔ اتوار کو ترجمان پنجاب پولیس کے مطابق2لاکھ 87ہزار سے زائد شہریوں نے جنرل پولیس ویریفیکیشن کروائی،86ہزار 600سے زائدشہریوں نے پولیس کریکٹر سرٹیفیکیٹ حاصل کئے، 47 ہزار 200سے زائد شہریوں نے کرایہ داری اندراج کروایا، 10ہزار 180سے زائد شہریوں نے میڈیکولیگل سرٹیفیکیٹس حاصل کئے۔

ترجمان پنجاب پولیس نے بتایا کہ کمزور طبقات کیلئے جاری اقدامات کے تحت 10ہزار 580سے افراد کو قانونی و سماجی تحفظ فراہم کیا گیا، 3985سے زائد شہریوں نے وہیکلز ویری فیکیشن کروائی، 7597شہریوں نے دستاویزات کی اندراج گمشدگی، 422نے جرائم رپورٹ کی رجسٹریشن کروائی، 12ہزار 300سے زائد شہریوں نے ایف آئی آر کی نقول حاصل کیں،5ویمن وائیلنس رپورٹس درج ہوئیں، 850شہریوں نے ایمپلائیز رجسٹریشن (ROPE)کروائی ، 78شہریوں نے نجی ملازمین کی پولیس ویریفیکیشن کروائی۔

(جاری ہے)

آئی جی پنجاب نے کہا ہے کہ خدمت مراکز پبلک سروس ڈلیوری کا شاندار فلیگ شپ پراجیکٹ، شہریوں کو24/7سہولیات فراہم کی جارہی ہیں۔ لاہور سمیت صوبہ بھر میں لاکھوں شہری ماہانہ پولیس خدمت مراکز کی سہولیات سے مستفید ہو رہے ہیں،شہریوں کے فیڈ بیک کی روشنی میں سروسز کو مزید اپ گریڈ کیا جارہا ہے۔