سہ ملکی سیریز کے پہلے میچ میں انجری کا شکار ہونیوالے فاسٹ بولر حارث رؤف کوآرام دیے جانے کا امکان

اتوار 9 فروری 2025 18:15

Iلاہور(اُردو پوائنٹ اخبارتازہ ترین - آن لائن۔ 09 فروری2025ء)سہ ملکی سیریز کے پہلے میچ میں انجری کا شکار ہونیوالے فاسٹ بولر حارث رؤف کو جنوبی افریقا کے خلاف دوسرے میچ میں آرام دیے جانے کا امکان ہے۔میڈیا رپورٹس کے مطابق گزشتہ روز لاہور میں نیوزی لینڈ کے خلاف کھیلے گئے سہ ملکی سیریز کے پہلے میچ میں حارث رؤف انجری کا شکار ہوکر میدان سے باہر جانا پڑا تھا، انہیں باؤلنگ کے دوران سینے اور پیٹ کے پٹھوں کی بائیں جانب سے شدید درد ہورہا تھا۔

قومی ٹیم کے فاسٹ بولر کو ابتدائی طبی امداد فراہم کردی گئی ہے تاہم انکے پاکستان ٹیم کی بیٹنگ کے دوران بھی وہ میدان پر واپس نہیں آئے اور انہیں آرام دیا گیا۔ذرائع نے دعویٰ کیا ہے کہ پسلیوں کے درد کے باعث گراؤنڈ سے باہر جانے والے فاسٹ بولر حارث رؤف پہلے سے بہتر محسوس کر رہے ہیں تاہم ٹیم مینجمنٹ جنوبی افریقا کے خلاف حارث رؤف کو کھلا کر رسک نہیں لینا چاہتی۔

(جاری ہے)

جنوبی افریقا کے خلاف میچ میں حارث رؤف کو آرام دیے جانے کا امکان ہے تاہم انکی پلئینگ الیون میں شمولیت کا حتمی فیصلہ رپورٹس سامنے آنے کے بعد کیا جائے گا۔دوسری جانب ہوم گراؤنڈ پر سہ ملکی سیریز کا پہلا میچ ہارنے کے بعد قومی ٹیم آج لاہور سے کراچی روانہ ہوگی، جہاں گرین شرٹس اگلے روز سے ٹریننگ سیشن کا آغاز کریں گے۔