بلوچستان کی8اضلاع کے ماحولیاتی نمونوں میں پولیووائرس کی موجودگی کی تصدیق

اتوار 9 فروری 2025 19:50

کوئٹہ (اُردو پوائنٹ اخبارتازہ ترین - این این آئی۔ 09 فروری2025ء)بلوچستان کی8اضلاع کے ماحولیاتی نمونوں میں پولیووائرس کی موجودگی کی تصدیق ہوگئی۔

(جاری ہے)

پاکستان انسدادپولیو پروگرام کے مطابق ژوب،نوشکی،لسبیلہ،حب،خضدار،نصیرآباد،ڈیرہ بگٹی اور اوستہ محمدکے ماحولیاتی نمونوں میں پولیو وائرس پایاگیا بلوچستان کے علاوہ ملک کے 13دیگراضلاع کے ماحولیاتی نمونوں میں بھی پولیو وائرس کی تصدیق ہوئی ان اضلاع میں اسلام آباد،چارسدہ،پشاور،صوابی،ٹانک،بہاولپور، ڈی جی خان، جھنگ،لاہور،ملتان،رحیم یارخان،کراچی ایسٹ اور مظفرآباد شامل ہیں،،انسدادپولیو پروگرام کیمطابق ان اضلاع سے ماحولیاتی نمونے رواں سال 8سی23جنوری کیدوران حاصل کئے گئے تھے،اس سے قبل دسمبر2024میں بلوچستان کے 10اضلاع کے ماحولیاتی نمونوں میں پولیو وائرس کی تصدیق ہوئی تھی،ان اضلاع میں کوئٹہ،خضدار،لسبیلہ،نوشکی،مستونگ،دکی،بارکھان،قلعہ سیف اللہ،کیچ،سبی کیماحولیاتی نمونوں میں بھی پولیو وائرس پایاگیاتھا،،بلوچستان میں 3 فروری سے رواں سال کی پہلی انسداد پولیو مہم شروع کی گئی تھی جو اختتام پذیر ہوگئی۔