وزارت منصوبہ بندی نے ترقیاتی منصوبوں کےلئے مجموعی طور پر اب تک 6 کھرب 28 ارب 89 کروڑکے فنڈز جاری کر دیئے

اسلام آباد (اُردو پوائنٹ اخبارتازہ ترین - اے پی پی۔ 12 فروری2025ء) وزارت منصوبہ بندی، ترقی، اصلاحات و خصوصی اقدامات نے سرکاری شعبہ کے ترقیاتی پروگرام کے تحت ملک کے ترقیاتی منصوبوں کےلئے مجموعی طور پر اب تک 6 کھرب 28 ارب 89 کروڑکے فنڈز جاری کر دیئے ہیں ، جن میں سے اب تک 2 کھرب20ارب19کروڑ روپے خرچ کیے جاچکے ہیں ۔ پلاننگ کمیشن کی طرف سے جاری کردہ اعداد و شمار کے مطابق حکومت نے رواں مالی سال کے دوران ترقیاتی منصوبوں کےلئے 9 کھرب 50 ارب روپے کے فنڈز مختص کئے ہیں۔

(جاری ہے)

اعداد و شمار کے مطابق این ٹی ڈی سی پیپکو کے ترقیاتی منصوبوں کیلئے 56 ارب 75کروڑ، نیشنل ہائی وے اتھارٹی کےلئے96 ارب 75 کروڑ، واٹر ریسورس ڈویژن کیلئے ایک کھرب ایک ارب ، سائنس ٹیکنالوجیکل ریسرچ ڈویژن کیلئے 3 ارب 98کروڑ ، ریونیو ڈویژن کیلئے 5 ارب 81 کروڑ، پلاننگ کمیشن کیلئے 7 ارب 49 کروڑ، ریلویز ڈویژن کیلئے 21 ارب ، پٹرولیم ڈویژن کیلئے 86کروڑ 65لاکھ، پاکستان نیوکلیئر ریگولیٹری اتھارٹی کیلئے 15کرو ڑ 38 لاکھ، قومی تاریخی ورثہ ڈویژن کیلئے 38 کروڑ 52لاکھ، صحت کی سہولیات بہتر بنانے کیلئے 14ارب 85کروڑ ، نیشنل فوڈ سکیورٹی ریسرچ ڈویژن کیلئے 8 ارب 37 کروڑ، میری ٹائم افیئرز ڈویژن کیلئے 91کروڑ ، لاجسٹک ڈویژن کیلئے 55کروڑ 80لاکھ، داخلہ ڈویژن کیلئے 5ارب 23 کروڑ ، بین الصوبائی رابطہ ڈویژن کیلئے ایک ارب 20کروڑ ، انفارمیشن ٹیکنالوجی ٹیلی کام ڈویژن کیلئے8 ارب 37 کروڑ ، انفارمیشن اینڈ براڈ کاسٹنگ ڈویژن کیلئے 2 ارب 20کروڑ، صنعت و پیداوار ڈویژن کیلئے ایک ارب 49کروڑ ، انسانی حقوق ڈویژن کیلئے 6کروڑ 24 لاکھ، ہائوسنگ ورکس ڈویژن کیلئے 4 ارب 10 کروڑ، ہائیر ایجوکیشن کمیشن کیلئے 36 ارب 68کروڑ، صوبوں اور سپیشل ایریاز کیلئے ایک کھرب 45 ارب ، فنانس ڈویژن کیلئے 2 ارب 12 کروڑ ، وفاقی تعلیم و پیشہ وارانہ تربیت ڈویژن کیلئے12 کروڑ 45 لاکھ، اسٹیبلشمنٹ ڈویژن کیلئے 3ارب 23 کروڑ ، ڈیفنس پروڈکشن ڈویژن کیلئے 2ارب 7 کروڑ، ڈیفنس ڈویژن کیلئے 3 ارب 23کروڑ ، کمیونیکیشن ڈویژن کیلئے25 کروڑ 48لاکھ، موسمیاتی تبدیلی ڈویژن کیلئے ایک ارب 83کروڑ ، کیبنٹ ڈویژن کیلئے 48 ارب 64 کروڑ، سرمایہ کاری بورڈ ڈویژن کیلئے 40 کروڑ53لاکھ اور ایوی ایشن ڈویژن کے لئے 2 ارب 20 کروڑ روپے سمیت مختلف ترقیاتی منصوبوں کیلئے فنڈز جاری کر دیئے گئے ہیں۔