سمگلنگ کیخلاف اقدامات، افغان ٹرانزٹ ٹریڈ میں ایک ارب 40 کروڑ ڈالر سے زائد کی کمی

پیر 17 فروری 2025 21:40

اسلام آباد (اُردو پوائنٹ اخبارتازہ ترین - این این آئی۔ 17 فروری2025ء)پاکستان کی جانب سے ٹرانزٹ ٹریڈکی آڑ میں اسمگلنگ کیخلاف زیروٹالرنس کے نتیجے میں رواں مالی سال افغانستان کی پاکستان سے ٹرانزٹ ٹریڈ کے تحت درآمدات میں 79 فیصد کی نمایاں گراوٹ آئی ہے۔میڈیا رپورٹ کے مطابق رواں مالی سال کے پہلے 7 ماہ کیدوران افغان ٹرانزٹ ٹریڈ میں سالانہ بنیاد پر 69 فیصد یا ایک ارب 48 کروڑ 40 لاکھ ڈالرز کی کمی ریکارڈ کی گئی ہے۔

(جاری ہے)

حکومتی ذرائع کے مطابق پاکستان نیٹرانزٹ ٹریڈکی آڑمیں اسمگلنگ پر قابو پانے اور ٹرانزٹ ٹریڈ کا غلط استعمال روکنے کے لیے موثر اقدامات کیے، جس کے نتائج برآمد ہو رہے ہیں-ذرائع کے مطابق رواں مالی سال کے پہلے 7 ماہ جولائی 2024 تا جنوری 2025 کے دوران سالانہ بنیاد پر افغان ٹرانزٹ ٹریڈ 69 فیصدکی کمی کے بعد 67 کروڑ 70 لاکھ ڈالرز رہی جو گزشتہ سال کے اسی عرصے میں 2 ارب 16 کروڑ 10 لاکھ ڈالر تھی-حکومتی ذرائع کے مطابق گز شتہ مالی سال 24-2023 میں افغان ٹرانزٹ ٹریڈکاحجم2 ارب 88 کروڑ 70 لاکھ ڈالر تھا اور مالی سال 23-2022 میں افغان ٹرانزٹ ٹریڈ 7 ارب 9 کروڑ 50 لاکھ ڈالرز تھیں-