Live Updates

u سیاست میں عدم برداشت کی صورتحال درست نہیں، اجہ پرویز اشرف

ذ*جمہوری عمل میں اخوت اور بھائی چارے کی فضا کی ضرورت ہے‘میڈیا سے بات چیت

بدھ 19 فروری 2025 19:50

ت*سرگودھا (اُردو پوائنٹ اخبارتازہ ترین - آن لائن۔ 19 فروری2025ء) سابق وزیر اعظم و پیپلز پارٹی کے مرکزی رہنما راجہ پرویز اشرف نے کہا کہ سیاست میں عدم برداشت کی صورتحال درست نہیں، جمہوری عمل میں اخوت اور بھائی چارے کی فضا کی ضرورت ہے۔میڈیا سے بات چیت کرتے ہوئے راجہ پرویز اشرف کا کہنا تھا کہ پنجاب کی کارکردگی سے ہم خوفزدہ نہیں، مریم نواز اچھا کام کرے گی تو ہم تعریف کریں گے، ہم ان کے اتحادی ہیں، سیاست میں چھوٹی بڑی باتیں چلتی ہیں۔

سابق وزیر اعظم نے کہا کہ بھٹو کیس میں عدالتی فیصلہ کا کریڈٹ صدر آصف علی زرداری کو جاتا ہے، 45 سال بعد اگر بھٹو کو انصاف مل رہا ہے تو اس سے تاریخ درست ہوگی، اس میں توسیع ہوگی۔راجہ پرویز اشرف نے کہا کہ بھٹو کا پورا خاندان شہید کر دیا گیا، اگر ایسا نہ ہوتا تو آج پاکستان بہت آگے بڑھ چکا ہوتا، بانی پی ٹی ا?ئی اداروں کو خطوط لکھنے کی بجائے مثبت جمہوری انداز اپنائیں۔

(جاری ہے)

انہوں نے مزید کہا کہ دہشت گردی ایک بہت بڑا خوفناک المیہ ہے جس نے پاکستان کو نقصان پہنچایا، اللہ کرے ہم جلد دہشت گردی سے جان چھڑوا لیں، پاکستانی فوج اور سویلین نے دہشت گردی کیخلاف بڑی قربانیاں دی ہیں۔راجہ پرویز اشرف نے کہا کہ پاکستان بہت بڑی قربانی دے کر دہشت گردی کیخلاف جنگ لڑ رہا ہے، دہشت گردی ایک چیلنج ہے ، ہمیں صرف ہم آہنگی کی ضرورت ہے۔