Live Updates

چیمپئنز ٹرافی؛ پاور پلے میں پاکستانی ٹیم نے شرمناک ریکارڈ اپنے نام کرلیا

ایک روزہ فارمیٹ میں اننگز کے ابتدائی 10 اوورز میں 30 گز کے دائرے سے باہر صرف 2 فیلڈر کھڑے کرنے کی اجازت ہوتی ہے

ذیشان مہتاب بدھ 19 فروری 2025 22:21

چیمپئنز ٹرافی؛ پاور پلے میں پاکستانی ٹیم نے شرمناک ریکارڈ اپنے نام ..

لاہور (اردو پوائنٹ تازہ ترین اخبار ۔ 19 فروری 2025ء ) پاکستان کرکٹ ٹیم نے ایک روزہ فارمیٹ میں ایک نیا شرمناک ریکارڈ اپنے نام کر لیا۔

نیشنل سٹیڈیم، کراچی میں جاری چیمپئنز ٹرافی کے افتتاحی میچ میں پاکستان نے نیوزی لینڈ کے خلاف ہدف کا تعاقب کرتے ہوئے پاور پلے (ابتدائی 10 اوورز) میں 22 رنز بنا کر اپنی سرزمین پر کم ترین اسکور بنانے کا ریکارڈ بنا لیا۔

ایک روزہ فارمیٹ میں اننگز کے ابتدائی 10 اوورز میں 30 گز کے دائرے سے باہر صرف 2 فیلڈر کھڑے کرنے کی اجازت ہوتی ہے۔

(جاری ہے)

اس دوران افتتاحی میچ میں پاکستانی ٹیم دو وکٹوں کے نقصان پر 22 رنز بنا سکی۔

اس سے قبل پاکستان نے انگلینڈ کے خلاف ہوم سیریز میں 19 رنز کا ریکارڈ بنایا تھا لیکن وہ میچ ابو ظہبی میں کھیلا گیا تھا۔

پاکستان کا اس فارمیٹ میں تمام وینیوز کے اعتبار سے پاور پلے کے اندر سب سے کم اسکور نو رنز ہے جو اس نے نیوزی لینڈ کے خلاف ڈیونیڈِن میں 2018ء میں بنایا تھا۔