ملک میں بڑی صنعتوں کی پیداوار میں دسمبر کے دوران ماہانہ بنیادوں پر 19.1 فیصد کا اضافہ

جمعہ 21 فروری 2025 11:52

مکوآنہ (اُردو پوائنٹ اخبارتازہ ترین - این این آئی۔ 21 فروری2025ء)ملک میں بڑی صنعتوں کی پیداوار میں دسمبر کے دوران ماہانہ بنیادوں پر 19.1 فیصد کا اضافہ جبکہ سالانہ بنیادوں پر 3.73 فیصد کی کمی ریکارڈکی گئی ہے۔ پاکستان ادارہ شماریات (پی بی ایس)کے اعدادوشمار کیمطابق دسمبر 2024 میں ملک میں بڑی صنعتوں کی پیداوار کا اشاریہ (ایل ایس ایم آئی) 127.5 پوائنٹس ریکارڈکیاگیا جو نومبر کے مقابلہ میں 19.1 فیصد زیادہ ہے۔

نومبر میں بڑی صنعتوں کی پیداوار کا اشاریہ 107.1 پوائنٹس ریکارڈکیاگیا تھا۔دسمبر 2023 کے مقابلہ میں دسمبر 2024 میں بڑی صنعتوں کی پیداوار میں سالانہ بنیادوں پر 3.73 فیصد کی کمی ریکارڈکی گئی ہے۔ دسمبر 2023 میں بڑی صنعتوں کی پیداوار کا اشاریہ 132.5 پوائنٹس ریکارڈکیاگیا تھا۔

(جاری ہے)

اعدادوشمار کے مطابق جاری مالی سال کے پہلے 6ماہ میں بڑی صنعتوں کی پیداوار میں سالانہ بنیادوں پر 1.9 فیصدکی کمی ریکارڈکی گئی۔

جولائی سے دسمبر تک کی مدت میں بڑی صنعتوں کی پیداوار کا اشاریہ 112.2 پوائنٹس ریکارڈکیاگیا جو گزشتہ سا ل اسی مدت کے 114.3 پوائنٹس کے مقابلہ میں 1.9 فیصد کم ہے۔ اعدادوشمار کے مطابق مالی سال کے پہلے 6 ماہ میں ٹیکسٹائل کی پیداوار میں 0.36 فیصد، ویئرنگ ایپرل 1.43 فیصد، فارماسیوٹیکل 0.11 فیصد، فرٹیلائزرز 0.11 فیصد، مشروبات 0.05 فیصد، آٹوموبائل 0.77 فیصد، تمباکو 0.25 فیصد، پیپر ان بورڈ 0.07 فیصد اور ٹرانسپورٹ آلات کی پیداوار میں 0.11 فیصد کا اضافہ ریکارڈکیاگیا، اس کے برعکس خوراک کی پیداوار 0.13 فیصد، کیمیکلز 0.18، غیر دھاتی معدنیات 0.94، آئرن اینڈ سٹیل 0.59 اور فرنیچر کی پیداوار 2.27 فیصد کی کمی ریکارڈکی گئی۔

Facebook Twitter Google + Share on Whatsapp

ملک میں بڑی صنعتوں کی پیداوار میں دسمبر کے دوران ماہانہ بنیادوں پر 19.1 فیصد کا اضافہ

متعلقہ عنوان :

مزید قومی خبریں