حق مانگنے پر الزامات لگنے شروع ہو جاتے ہیں،محمود خان اچکزئی

بدھ 26 فروری 2025 18:15

اسلام آباد (اُردو پوائنٹ اخبارتازہ ترین - این این آئی۔ 26 فروری2025ء)اپوزیشن اتحاد کے سربراہ محمود خان اچکزئی نے کہا ہے کہ حق مانگنے پر الزامات لگنے شروع ہو جاتے ہیں۔قومی کانفرنس سے خطاب کرتے ہوئے انہوں نے کہا کہ انسان بنیادی طور پر حقِ حکمرانی میں حصہ چاہتا ہے۔محمود خان اچکزئی نے کہا کہ ہمارے ملک کو ملنے والی آزادی کے ثمرات نیچے تک نہیں گئے۔

(جاری ہے)

انہوں نے کہا کہ ہمارے لوگوں کو حقِ حکمرانی میں شراکت دار نہیں بنایا گیا۔اپوزیشن اتحاد کے سربراہ نے کہاکہ ہمیں سینکڑوں بار جیل ہوئی مگر ہم پاکستان کے خلاف نہیں گئے، میرے والد جیل میں تھے مگر میں قومی ترانہ پڑھتا تھا۔انہوںنے کہاکہ 1993ء میں جب ایم این اے کا حلف لیا تو میں نے پوچھا تھا کہ یہ فارمیلٹی ہی مجھے اسپیکر نے کہا تھا کہ یہ فارمیلٹی نہیں ہے۔