کنزا ہاشمی اوررجب بٹ 10سال قبل ڈرامہ سیریل رانی میں ایک ساتھ کام کر چکے ہیں

ہفتہ 8 مارچ 2025 12:00

لاہور(اُردو پوائنٹ اخبارتازہ ترین - این این آئی۔ 08 مارچ2025ء)خوبرو معروف اداکارہ کنزا ہاشمی اور یوٹیوبر رجب بٹ آج سے 10سال قبل ڈرامہ سیریل رانی میں کام کر چکے ہیں۔اس خبر نے اس فنکار جوڑی کے مداحوں کو خوش گوار حیرانی میں مبتلا کر دیا ہے۔

(جاری ہے)

کنزا ہاشمی آج کی مشہور ترین اداکارہ مانی جاتی ہیں جبکہ دوسری جانب رجب بٹ انٹرنیٹ کی دنیا پر اپنے تنازعات، مواد اور فیملی وی لاگز کے سبب چھائے ہوئے ہیں۔رجب بٹ اور کنزا ہاشمی جیو انٹرٹینمنٹ کی ڈرامہ سیریل رانی میں ایک دوسرے کے مد مقابل کام کر چکے ہیں۔ڈرامہ سیریل رانی میں ان دونوں فنکاروں نے اپنے کیریئر کے آغاز میں کام کیا تھا جو کہ2014 میں نشر کیا گیا تھا۔ڈرامے کی مزید کاسٹ میں اداکارہ رابعہ تبسم، سلیم شیخ اور بابر علی شامل تھے۔