ایک کروڑ تاوان لینے کے مقدمہ میں گواہ منحرف ہونے پر تین ملزمان بری

بدھ 26 مارچ 2025 10:50

مکوآنہ (اُردو پوائنٹ اخبارتازہ ترین - این این آئی۔ 26 مارچ2025ء)فیصل آباد انسداد دہشت گردی کی خصوصی عدالت کے جج جاوید اقبال شیخ نے ایک کروڑ تاوان لینے کے مقدمہ میں گواہ منحرف ہونے پر تین ملزمان کو بری کر دیا۔

(جاری ہے)

استغاثہ کے مطابق غلام محمد آباد پولیس نے مقدمہ کا چالان عدالت میں بھجواتے ہوئے موقف اختیار کیا تھا کہ گزشتہ سال جولائی میں ملزمان احمد بلال‘ احتشام الحق اور علی حسن خالد نے ڈائیوو روڈ پر احمد کو اغواء کرنے کے بعد 10کروڑ روپے تاوان طلب کیا تھا۔

بعدازاں ملزمان نے ایک کروڑ روپے تاوان لیکر مغوی کو رہا کر دیا جبکہ پولیس نے تینوں ملزمان کو گرفتار کر کے ان کے قبضہ سے تاوان کے طور پر لے جانیوالی رقم 94لاکھ برآمد کی تھی۔ مقدمہ کی سماعت کے دوران گواہ اپنے بیانات سے منحرف ہو گئے جس پر فاضل جج نے تینوں ملزمان کو بری کرنے کا حکم دے دیا۔