یاسر حسین اور نوشین شاہ نے اختلافات بھلا کر صلح کرلی

بے غیرتی اور بے حیائی کا مظاہرہ کرتے ہوئے ایک دوسرے کو گلے لگا لیا، ویڈیو وائرل

جمعرات 27 مارچ 2025 11:05

کراچی (اُردو پوائنٹ اخبارتازہ ترین - این این آئی۔ 27 مارچ2025ء)اداکار و میزبان یاسر حسین اور نوشین شاہ نے اختلافات بھلا کر ایک دوسرے کو گلے لگا لیااس بے غیرتی اور بے حیائی پر مبنی ویڈیو سوشل میڈیا پر وائرل ہوگئی۔فوٹو اور ویڈیو شیئرنگ ایپ انسٹاگرام پر یاسر حسین اور نوشین شاہ کی ویڈیو وائرل ہورہی ہے جس میں انہیں اختلافات بھلا کر ایک دوسرے کو گلے لگاتے دیکھا جاسکتا ہے۔

بعض صارفین نے ا س حوالے سے سخت ریمارکس دیئے ہیں ،بحیثیت مسلمان ہماری کوئی حدود وقیود بھی ہیں یا ہم بالکل بے لگام ہیں اگر ہم مسلمان ہیں تو پھر ایسے گلے لگانے کو کیا کہا جائے گا ذراسوچئی حال ہی میں نجی چینل کی جانب سے کراچی میں سحری نائٹ کا اہتمام کیا گیا جس میں شوبز انڈسٹری سے وابستہ افراد نے بڑی تعداد میں شرکت کی۔

(جاری ہے)

اس موقع پر یاسر حسین اور نوشین شاہ کی گلے ملنے کی ویڈیو وائرل ہو گئی، وائرل ویڈیو میں یاسر حسین اداکارہ کے پائوں چھونے کی کوشش کرتے ہیں اس دوران اداکارہ انہیں گلے لگا لیتی ہیں۔

خیال رہے کہ 4 سال قبل یاسر حسین نے نجی ٹی وی چینل کے پروگرام میں انٹرویو دیتے ہوئے انکشاف کیا تھا کہ اداکارہ نوشین شاہ نے ان کی شادی میں بن بلائے شرکت کی تھی، جس کے بعد نوشین شاہ نے ردعمل دیتے ہوئے کہا تھا کہ یاسر حسین نے مجھے خود دعوت تھی اب لگتا ہے کہ یاسر ذہنی مسائل کا شکار ہیں، انہیں اپنے بیان پر معافی مانگنی چاہیے۔بعد ازاں یہ تنازع اس وقت بڑھ گیا تھا جب یاسر حسین نے نوشین شاہ کے ردعمل پر اپنا موقف پیش کیا اور کہا کہ نوشین شاہ کے دباوء ڈالنے پر انہیں شادی میں مدعو کرنا پڑا۔