چین میں ایک بار پھر سونے کے وسیع ذخائر دریافت

ذخائر مشرق سے مغرب تک 3 اور شمال سے جنوب تک 2.5 کلو میٹر تک پھیلے ہوئے ہیں،رپورٹ

ہفتہ 29 مارچ 2025 17:02

چین میں ایک بار پھر سونے کے وسیع ذخائر دریافت

بیجنگ(اُردو پوائنٹ اخبارتازہ ترین - این این آئی۔ 29 مارچ2025ء)چینی ماہرینِ ارضیات نے ملک کے شمال مشرقی حصے میں 1000 ٹن وزنی سونے کے ذخائر کی دریافت کا دعوی کر دیا۔میڈیارپورٹس کے مطابق محققین کا کہنا تھا کہ چین کی جدید منرل پراسپیکٹنگ ٹیکنالوجی اتنے وسیع ذخائر (جو کہ دنیا کے بڑے ذخائر میں سے ہیں)کی دریافتوں میں مدد کر رہی ہے۔سونا عالمی سطح پر معاشی اتار چڑھا کے دوران ملکوں کی معیشت کو سنبھالتا ہے۔

(جاری ہے)

ساتھ ہی اس دھات کو بیٹریوں اور برقی آلات بنانے کے لیے بھی استعمال کیا جاتا ہے۔چین سونا کی پیداوار کرنے والا سب سے بڑا ملک ہے لیکن سونے کے مصدقہ ذخائر کے باوجود یہ جنوبی افریقا اور آسٹریلیا سے پیچھے ہے۔لیاننگ صوبے میں ہونے والی حالیہ دریافتیں چین کو سونے کی پیداوار کی دوڑ میں برقرار رکھ سکتی ہیں۔رپورٹ کے مطابق یہ ذخائر مشرق سے مغرب تک 3 کلو میٹر اور شمال سے جنوب تک 2.5 کلو میٹر سے زیادہ رقبے پر پھیلے ہوئے ہیں۔