Live Updates

ر*پی ایس ایل 10ویں ایڈیشن کی آن لائن ٹکٹوں کی فروخت 3 اپریل سے شروع ہو گی

آ*فزیکل ٹکٹوں کی فروخت 7 اپریل سے نجی کوریئر سینٹرز پر شروع ہو گی،افتتاحی میچ کی ٹکٹ کی قیمت1000سی8500مقرر

اتوار 30 مارچ 2025 18:15

aلاہور(اُردو پوائنٹ اخبارتازہ ترین - آن لائن۔ 30 مارچ2025ء)پاکستان سپر لیگ کے 10ویں ایڈیشن کی ٹکٹوں کی فروخت 3 اپریل سے شروع ہو گی۔ کرکٹ بورڈ کے مطابق ٹکٹیںجمعرات کو سہ پہر 3 بجے آن لائن دستیاب ہوں گے جبکہ فزیکل ٹکٹوں کی فروخت 7 اپریل سے نجی کوریئر سینٹرز پر شروع ہو گی۔ آن لائن بک کی گئی ٹکٹیں نجی کوریئر کے مقرر کردہ پک اپ مراکز سے بھی حاصل کی جا سکتی ہیں۔

(جاری ہے)

پی ایس ایل چار شہروں لاہور،راولپنڈی، کراچی اور ملتان میں کھیلی جائے گی جس کا فائنل 18 مئی کو قذافی اسٹیڈیم لاہور میں ہو گا۔ پی ایس ایل کے چاروں وینیوز کے عام ٹکٹ 650 روپے میں دستیاب ہوں گے۔ اسلام آباد یونائیٹڈ اور لاہور قلندرز کے درمیان راولپنڈی کرکٹ اسٹیڈیم میں افتتاحی میچ کے ٹکٹ 1000 روپے سے 8500 روپے تک دستیاب ہوں گے۔شائقین کی مصروفیت اور دلچسپی میں اضافہ کرنے کے پی سی بی کے ویڑن کے ایک حصے کے طور پر ہر میچ کے دوران ایک ٹکٹ ریفل کا انعقاد بھی کیا جائے گا جس میں شائقین دلچسپ انعامات حاصل کر سکیں گے۔