Live Updates

آصف علی زرداری کی طبیعت بہتر ہورہی ہے، دبئی منتقلی کی اطلاعات غلط ہیں،شرجیل میمن

صدر مملکت انشاءاللہ جلد مکمل صحت یاب ہوکر گھر منتقل ہو جائیں گے،صوبائی وزیر سندھ کاایکس(ٹوئیٹر)پر صدر مملکت آصف زرداری کی طبعیت کے حوالے سے ٹوئیٹ

Faisal Alvi فیصل علوی بدھ 2 اپریل 2025 10:27

آصف علی زرداری کی طبیعت بہتر ہورہی ہے، دبئی منتقلی کی اطلاعات غلط ہیں،شرجیل ..
کراچی(اردوپوائنٹ اخبار تازہ ترین۔02اپریل 2025ئ)صوبائی وزیر سندھ شرجیل انعام میمن کاکہنا ہے کہ صدر مملکت آصف علی زرداری کی طبیعت بہتری ہورہی ہے،دبئی منتقلی کی اطلاعات غلط ہیں،وہ انشاءاللہ جلد ہی مکمل صحت یاب ہوں گے،سماجی رابطے کی ویب سائٹ ایکس (ٹوئیٹر)پر اپنے شیئر کردہ ٹوئیٹ میں صدر مملکت آصف زرداری کی طبعیت کے حوالے سے اپنے ٹوئیٹ میں شرجیل میمن نے کہا کہ صدر مملکت آصف علی زرداری کو طبعیت ناساز ہونے کی وجہ سے نواب شاہ سے کراچی کے نجی ہسپتال میں منتقل کیا گیا تھا۔

صدر مملکت کی طبعیت اب بہتر ہو رہی ہے۔ وہ جلدی صحت یاب ہوکر گھر منتقل ہو جائیں گے ۔اپنے ٹوئیٹ میں شرجیل میمن نے یہ بھی کہا کہ صدر آصف علی زرداری کو کراچی سے دبئی منتقل کرنے کی خبریں درست نہیں ہیں۔

(جاری ہے)

یاد رہے کہ اس سے قبل صدر آصف زرداری کو نواب شاہ سے کراچی کے نجی ہسپتال منتقل کیا گیا تھا جہاں ان کے میڈیکل ٹیسٹ کئے گئے تھے۔صدر آصف زرداری کو انفیکشن اور بخار کی وجہ سے ہسپتال میں داخل کیا گیا تھا اور صدر مملکت کے میڈیکل ٹیسٹ کئے گئے تھے ۔

آصف علی زرداری کو گذشتہ روزبخاراورانفیکشن کی شکایت ہوئی تھی۔ذرائع کاکہنا ہے کہ صدر مملکت کے میڈیکل ٹیسٹ کئے گئے تھے۔ ڈاکٹر عاصم حسین کی زیر نگرانی میڈیکل ٹیم صدر مملکت کا علاج کررہی تھی۔ ہسپتال میں کراچی سے تعلق رکھنے والے پارٹی رہنما و عہدے دار موجود تھے۔ آصف علی زرداری جس وارڈ میں داخل ہیں اس فلور پر غیر متعلقہ افراد کو جانے کی اجازت نہیں ہے ۔

دوسری جانب وزیراعظم شہبازشریف نے صدرمملکت آصف زرداری سے ان کی خیریت دریافت کیتھی۔ وزیراعظم شہباز شریف کا کہنا تھا کہ پوری قوم کی دعائیں آپ کے ساتھ ہیں، اللہ آپ کو جلد صحت کاملہ عطا فرمائے۔گورنرسندھ کامران خان ٹیسوری نے صدر مملکت آصف علی زرداری کے معالج ڈاکٹر عاصم کو فون کیاتھا انہوں نے آصف زرداری کی خیریت معلوم کی اور نیک خواہشات کا اظہار کیاتھا۔

قبل ازیں صدر مملکت آصف علی زرداری نے عید الفطر کی نماز زرداری ہاوس نواب شاہ میں ادا کی تھی۔صدر مملکت نے ملک کی سلامتی، خوشحالی اور ترقی کیلئے دعا بھی کی تھی۔زرداری ہاوس نواب شاہ میں لوگوں کی بڑی تعداد نے صدر مملکت کے ساتھ نماز عید الفطر ادا کی تھی۔نماز عید الفطر میں سیاسی، سماجی اور پاکستان پیپلز پارٹی کے کارکنان نے بھی شرکت کی تھی۔عید کی نماز ادا کرنے کے بعد صدر مملکت لوگوں سے ملے اور عید کی مبارک باد دی تھی۔

Live عید الفطر سے متعلق تازہ ترین معلومات