پی ایس ایل 10 کا ترانہ شائقین کو اپنی طرف متوجہ کرنے میں ناکام

فینز اب بھی علی ظفر کے پرانے ترانے ’پھر سیٹی بجے گی‘ کو یاد کرنے لگے

Zeeshan Mehtab ذیشان مہتاب جمعرات 3 اپریل 2025 11:53

پی ایس ایل 10 کا ترانہ شائقین کو اپنی طرف متوجہ کرنے میں ناکام
لاہور (اردو پوائنٹ تازہ ترین اخبار ۔ 3 اپریل 2025ء ) پاکستان سپر لیگ (پی ایس ایل) کے 10ویں سیزن کیلئے آفیشل ترانہ جاری کردیا گیا ہے۔ 
اگلے ایڈیشن کے ترانے کیلئے معروف گلوکاروں نے آواز کا جادو جگایا ہے جن میں ابرارالحق، علی ظفر، نتاشا بیگ اور طلحہ انجم شامل ہیں۔ 
گزشتہ روز پی ایس ایل کے 10ویں ایڈیشن کے گانے کو ریلیز کیا گیا تاہم شائقین کی جانب وہ پذیرائی نہیں ملی۔

(جاری ہے)

 
مداحوں کی بڑی تعداد نے پی ایس ایل 10 کے اینتھم کو زیادہ پسند نہیں کیا ، گزشتہ 12 گھنٹوں کے دوران فیس بُک پر 10 لاکھ جبکہ یوٹیوب پر محض 3 لاکھ افراد نے گانے کو سُنا ہے، اس کے علاوہ دیگر سوشل میڈیا پلیٹ فارمز پر وینیوز الگ ہیں۔ 
 
ادھر کئی فینز نے گلوکار علی ظفر کے ماضی کے ترانے ’پھر سیٹی بجے گی‘ کو یاد کرتے ہوئے کہا کہ اس جیسا اینتھم دوبارہ نہیں بنایا جاسکتا۔ 
 
واضح رہے کہ پاکستان سپر لیگ (پی ایس ایل) کے دسویں ایڈیشن کا آغاز 11 اپریل سے ہورہا ہے۔