خیبر پختونخوا میں موسم خشک اور گرم رہے گا ، محکمہ موسمیات

منگل 22 اپریل 2025 22:44

پشاور(اُردو پوائنٹ اخبارتازہ ترین - این این آئی۔ 22 اپریل2025ء)خیبر پختونخوا میں موسم خشک اور گرم رہے گا تاہم جنوبی اضلاع میں چند ایک مقامات پر آئندہ چوبیس گھنٹوں کے دوران بارش کا امکان ہے۔

(جاری ہے)

محکمہ موسمیات کے مطابق خیبر پختونخوا میں موسم خشک اور گرم رہے گا ،آئندہ 24 گھنٹوں کے دوران چترال،دیر،سوات،شانگلہ،کوہستان،مانسہرہ میں بارش کا امکان ہے ،گذشتہ روز چترال،دیر،کوہستان،مانسہرہ اور سوات میں بارش ہوئی،،کالام میں 16،دیر 14،چترال 7،کاکول میں 4 ملی میٹر بارش ہوئی۔

پشاور کا کم سے کم درجہ حرارت 17 ڈگری سنیٹی گریڈ ریکارڈ کیا گیا ،، شہر کا زیادہ سے زیادہ درجہ حرارت 35 ڈگری سینٹی گریڈ تک جانے کا امکان ہے ۔ سب سے کم درجہ حرارت کالام میں 3 ، مالم جبہ میں 6 ڈگری سینٹی گریڈ ریکارڈ کیا گیا۔